‘‘நம்ம  வீட்டு வாசப்படியில எப்பவும் ஒரு பிச்சைக்காரன் இருக்கானே மாமா..?’’
‘‘ஆமா மாப்பிள்ளே! நீங்க வீட்டோட மாப்பிள்ளை... அவன் வீட்டோட பிச்சைக்காரன்.’’

எவ்வளவு பெரிய கார்பென்ட்டரா இருந்தாலும், அவரால டிவிஷன்
பெஞ்ச்சை எல்லாம் செய்ய முடியாது!
- கோர்ட் வாசலில் அமர்ந்து கோக்குமாக்காக யோசிப்போர் சங்கம்

‘‘தலைவருடைய பிள்ளைக்கு எப்படி மார்க் குறைஞ்சது..?’’
‘‘பரீட்சையில சில கேள்விகள் அவனுக்கு ஆதரவாகச் செயல்படவில்லையாம்...’’

ஆட்டோவின் பின்னால் எழுதப்பட்டிருந்த வாசகம்...
எப்போதும் கூட இருக்கும் ஃபிரண்டை நம்பு... எப்போதாவது வரும் கரன்ட்டை நம்பாதே!

‘‘தலைவர் ஏன் கோபமா இருக்கார்..?’’
‘‘அவருக்கு யாரோ ‘தமிழகத்தின் நிரந்தர வருங்கால முதல்வரே’ன்னு ஃப்ளக்ஸ் வச்சிட்டாங்களாம்..!’’

‘‘நர்ஸ், நீங்க ஆபரேஷனுக்கு வேண்டியதை எல்லாம் ரெடி பண்ணிட்டீங்களா?’’
‘‘நான் ரெண்டு மாசத்துக்கு முன்னாடியே ரெடி பண்ணிட்டேன் டாக்டர். நீங்கதான் இன்னும் ஆபரேஷன் பண்ண பேஷன்ட்டை ரெடி பண்ணலை..!’’

என்னதான் ஒருத்தர் பவர்ஃபுல்லா பேசினாலும், அதிலிருந்து ஒரு யூனிட் கரன்ட் கூட எடுக்க முடியாது!
- கரன்ட் இன்றி தூங்காமல் விடிய விடிய மிரண்டு போனோர் சங்கம்