நம்ம நாடாளுமன்றத்தைவிட பெட்ரோலுக்கு மவுசு அதிகம். எப்படி தெரியுமா?
ஒரு வருஷத்துல நாடாளுமன்றம் சில தடவைதான் கூடுது; ஆனா, பெட்ரோல் விலை பல தடவை கூடுது!

செயின் திருடனைப் பிடிச்சா செயினை மீட்கலாம்; ஆனா திருட்டுத்தனமா வயர் போட்டு கரன்ட் திருடுனவனைப் பிடிச்சா ‘கரன்ட்’டை மீட்க முடியுமா?
- இருட்டுக்குள்ளேயே கிடந்தாலும் ஏட்டிக்குப் போட்டியாக யோசிப்போர் சங்கம்


‘‘நீங்க வருமானத்துக்கு மீறி சொத்து சேர்த்திருக்கீங்க...’’
‘‘உங்களுக்குத் தெரியுது... ஆனா என் சம்சாரத்துக்குத் தெரியலையே!’’

‘‘நான் போட்ட  மார்க்கை உங்கம்மா கிட்ட காட்டினியே... என்ன சொன்னாங்க?’’
‘‘நீங்க இன்னும் இம்ப்ரூவ் ஆகலன்னு சொன்னாங்க டீச்சர்...’’

‘‘பொண்ணு வீட்ல ‘எங்க அப்பா ஒரு நேர்மையான போலீஸ் அதிகாரி’ன்னு சொன்னது தப்பா போச்சா... ஏன் தரகரே?’’
‘‘வசதியில்லாத வீட்ல பொண்ணக் கொடுக்க மாட்டோம்னு சொல்லிட்டாங்க..!’’

ஸ்பீக்கரு...

‘‘தலைவரின் உடல் தகுதி இன்று இருபது ஜோடி செருப்புகள் வரை தாங்கும். அதற்கு மேல் தொண்டர்கள் அவர் மேல் எதையும் வீசிவிட வேண்டாமென்று கேட்டுக் கொள்கிறோம்!’’



‘‘மகளிர் அணித் தலைவி ஏன் வருத்தமா இருக்காங்க..?’’
‘‘மேக்கப் இல்லாம அவங்களைப் பார்த்ததும், முதியோர் அணித் தலைவியா நியமிச்சுட்டாரே நம்ம தலைவர்!’’