‘‘இந்தியாவிேலயே வளர்ச்சியில் தமிழ்நாடுதான் தனிக்காட்டு ராஜா. தமிழ்நாட்டில் 11.19 சதவீதம் இரட்டை இலக்க பொருளாதார வளர்ச்சி மட்டுமல்ல, மொத்த உள்நாட்டு உற்பத்தி என அனைத்திலும் நாம்தான் முதலிடம்...’’ என சமீபத்தில் கள்ளக்குறிச்சியில் நடந்த அரசு விழாவில் தமிழ்நாடு முதல்வர் மு.க.ஸ்டாலின் பெருமையுடன் பேசியுள்ளார்.

இப்போது தமிழ்நாட்டில் மேற்கொள்ளப்பட்ட அகழாய்வுகள் மூலம் அண்மையில் கிடைக்கப்பெற்ற காலக்கணக்கீடுகள், இரும்பு அறிமுகமான காலத்தை கி.மு.4000ம் ஆண்டின் முற்பகுதிக்குக் கொண்டு சென்றிருக்கிறது.தென்னிந்தியாவில் குறிப்பாக தமிழ்நாட்டில் 5,300 ஆண்டுகளுக்கு முன்பு இரும்பு அறிமுகமாகி இருக்கிறது என்று உறுதியாகச் சொல்லலாம். 

இதை ஆய்வு முடிவுகளாகவே நான் அறிவிக்கிறேன். தமிழ் நிலப்பரப்பில் இருந்துதான் இரும்பின் காலம் தொடங்கியது என்ற மாபெரும் மானுடவியல் ஆய்வு பிரகடனத்தை இந்நிகழ்ச்சி வாயிலாக அறிவிக்கிறேன்...’’ எனப் பெருமிதத்துடன் குறிப்பிட்டார். 

இதில் ஆதிச்சநல்லூர், சிவகளை, கொற்கை, துலுக்கர்பட்டி பகுதிகளில் அகழாய்வுகளின் போது கிடைத்த பொருட்கள் காட்சிப்படுத்தப்பட்டுள்ளன. 

இத்துடன் பூம்புகாரில் பழந்தமிழ் நாகரிகத்தின் தொன்மையைக் கண்டுணர்ந்து ஆராயும் பொருட்டு இந்திய கடல்சார் பல்கலைக்கழகத்தின் உதவியுடன் தமிழ்நாடு தொல்லியல் துறை சார்பில் ஆழ்கடல் ஆய்வுப் பணிகள் தொடங்கப்பட்டன.  

தமிழகம் முழுவதும் மிகப்பெரிய அளவிலான தொழில்மயமாக்கலையும் சிறப்பாகச் செய்தது தமிழ்நாடு அரசு. குறிப்பாக டயர் 2, டயர் 3 நகரங்களிலும் நிறைய தொழில் நிறுவனங்கள் கொண்டு வரப்பட்டன. 

இளைஞர்களுக்கு வேலைவாய்ப்புகள் உருவாக்கப்பட்டன.இதுமட்டுமின்றி 2025ம் ஆண்டு ஸ்டார்ட்அப் தொழில்களுக்கான சூழலை உருவாக்கும் பொருட்டு கோவையில் உலக புத்தொழில் மாநாடும் நடத்தப்பட்டது. தொடர்ந்து தமிழ்நாடு வளர்கிறது என முதலீட்டாளர்கள் மாநாடு மதுரையிலும், ஓசூரிலும் நடத்தப்பட்டன.  

இப்போது தமிழ்நாடு 14.65 பில்லியன் டாலராக மேலும் உயர்ந்து புதிய சாதனையைப் படைத்தது. இது இந்தியாவின் மொத்த மின்னணு ஏற்றுமதியில் 41.23 சதவீதமாகும்.

அத்துடன் அவர், ‘முதல்வர் மு.க.ஸ்டாலின் தலைமையின் கீழ் இது சாத்தியமாகி இருக்கிறது. விரைவில் மின்னணு ஏற்றுமதியில் 100 பில்லியன் டாலர் என்கிற இலக்கை தமிழகம் எட்டும்’ எனவும் நம்பிக்கை தெரிவித்தார்.  

அமெரிக்க நிறுவனங்களான சிஸ்கோ, ஜேபில், தைவானைச் சேர்ந்த ஃபாக்ஸ்கான், இந்தியாவின் டாடா உள்ளிட்ட பல முன்னணி எலக்ட்ரானிக்ஸ் நிறுவனங்கள் தமிழ்நாட்டில் முதலீடு செய்துள்ளன. இதனால் அந்த இலக்கை நோக்கி பயணித்து வருகிறது தமிழ்நாடு அரசு.

முதல்வர் மு.க.ஸ்டாலின் தலைமையிலான திராவிட மாடல் திமுக அரசு பொறுப்பேற்றதிலிருந்தே தமிழகத்தில் பிளஸ் டூ தேர்ச்சி விகிதம் அதிகரித்து வருவது குறிப்பிடத்தக்கது.

கடந்த 2024ம் ஆண்டு நூறு சதவீதம் தேர்ச்சி பெற்ற அரசு மேல்நிலைப் பள்ளிகளின் எண்ணிக்கை 397 ஆக இருந்தது. இது 2025ம் ஆண்டு 436 ஆக அதிகரித்தது. தொடர்ந்து ஆண்டுக்கு ஆண்டு தேர்ச்சி விகிதத்தில் தமிழகம் சிறப்பான உயர்வைக் கண்டு வருகிறது. இதற்குக் காரணம் தமிழக அரசின் முன்னெடுப்புகள்தான். 

குறிப்பாக காலை உணவுத் திட்டம், அரசுப் பள்ளி மற்றும் அரசு உதவி பெறும் பள்ளியில் தமிழ் வழியில் படித்த மாணவிகள் உயர்கல்வி பயில மாதந்தோறும் 1000 ரூபாய் வழங்கும் புதுமைப் பெண் திட்டம், இதேபோல் மாணவர்களுக்கு தமிழ்ப்புதல்வன் திட்டம், மாதிரி பள்ளிகள் திட்டம் ஆகியவை மாணவர்களின் கல்வியை முன்னேற்றி உள்ளன.

இத்துடன் நான் முதல்வன் திட்டமும் அவர்களுக்கு வழிகாட்டியாக உள்ளது. இதன்படி ஆண்டுக்கு பத்து லட்சம் இளைஞர்களைப் படிப்பிலும், அறிவிலும், சிந்தனையிலும், ஆற்றலிலும், திறமையிலும் மேம்படுத்தி நாட்டுக்கு வழங்குதல் ஆகும்.

அதுமட்டுமில்லாமல் அரசு மற்றும் அரசு உதவி பெறும் பள்ளி, கல்லூரி, பல்கலைக்கழக மாணவ, மாணவியர்களின் தனித் திறமைகளை அடையாளம் கண்டு அதனை மேலும் ஊக்குவிப்பது. அதாவது இதன்மூலம் அடுத்து அவர்கள் என்ன படிக்கலாம், எங்கு படிக்கலாம் எனவும் இதில் வழிகாட்டப்படுகிறது. உயர்கல்விக்கான நுழைவுத் தேர்வுகளுக்கும் பயிற்சி அளிக்கப்படுகிறது.