புது வருடம் ஆரம்பிக்கும் நள்ளிரவின்போது, டென்மார்க்வாசிகள் வீட்டிலிருக்கும் சோஃபா அல்லது நாற்காலியின் மீது ஏறி, கீழே குதிக்கின்றனர். 

புத்தாண்டில் உருண்டை வடிவம் அதிர்ஷ்டத்தையும், செழிப்பையும் கொண்டு வரும் என்று பிலிப்பைன்ஸ் மக்கள் நம்புகின்றனர். அதனால் புது வருடத்தன்று ஆரஞ்சு, திராட்சை, தர்ப்பூசணி என உருண்டை வடிவிலுள்ள பழங்களை அதிகமாக உண்கின்றனர். தாங்கள் அணியும் ஆடைகளில் கூட உருண்டை வடிவத்தில் ஏதாவது இருக்கும்படி பார்த்துக் கொள்கின்றனர். 

ஸ்பெயினின் வடக்குப் பகுதியில் உள்ள ஊர்களில் வித்தியாசமான முறையில் புது வருடத்தைக் கொண்டாடுகின்றனர். புது வருடத்துக்கு சில நாட்கள் இருப்பதற்கு முன்பு, விநோதமான வேடமிட்ட ஒரு மனிதர் ஊருக்குள் சுற்றிக்கொண்டிருப்பார். 

புது வருடத்துக்கு எவ்வளவு நாட்கள் இருக்கிறதோ, அவ்வளவு மூக்குகள் அவரது முகத்தில் இருக்கும். அதாவது, புது வருடத்துக்கு 3 நாட்கள் இருந்தால், அவரது முகத்தில் 3 மூக்குகள் இருக்கும். அவரைக் கண்டுபிடித்தால், அவர் புத்தாண்டு வாழ்த்துகளைத் தெரிவிப்பார். அவ்வளவு சீக்கிரத்தில் அவரைக் கண்டுபிடிக்க இயலாது. அவரைக் கண்டுபிடிக்கச் சொல்லிக் குழந்தைகளை ஊக்குவிப்பார்கள். 

நாடு முழுவதும் புது வருடத்தைக் கோலாகலமாகக் கொண்டாடுகின்றனர். புது வருடத்தின் முதல் நாளின்போது ஜப்பானியர்கள் தாங்கள் வசிக்கும் பகுதியிலிருக்கும் கோயிலுக்குச் செல்கின்றனர். அங்கே பழைய அதிர்ஷ்ட தாயத்துகளைக் கழற்றிவிட்டு, புது தாயத்து களைக் கட்டுகின்றனர். 

அத்துடன் புது வருடத்தில் குறிப்பிட்ட சில உணவுகளைப் பெரும்பாலான ஜப்பானியர்கள் தவறாமல் சாப்பிடுகின்றனர். நீண்ட நாட்கள் உயிர் வாழலாம் என்ற நம்பிக்கையில் பிராண்களையும், கருவுறுதலை மேம்படுத்த மீன் முட்டைகளையும் புது வருடத்தில் சாப்பிடுகின்றனர். 

கிறிஸ்துமஸ் முடிந்த இரண்டாவது நாளிலிருந்தே புத்தாண்டுக் கொண்டாட்டம் ஆரம்பமாகி விடும். ஒரு பாரம்பரிய திருவிழாவைப் போல ஐந்து நாட்களுக்கு புத்தாண்டைக் கொண்டாடுகிறார்கள் ஸ்காட்லாந்து மக்கள். 

போர் வீரர்களைப் போல உடை அணிந்துகொண்டு கையில் தீப்பந்தத்தை ஏந்தி தெருவில் ஊர்வலம் வருவது இதில் முக்கியமான நிகழ்வு. புது வருடம் ஆரம்பிக்கும் நாட்களில் தெருக்களில் கும்பலாக நெருப்பைச் சுழற்றி வருவதால் தீய சக்திகள் விரட்டியடிக்கப்படும் என்று ஸ்காட்லாந்து மக்கள் நம்புகிறார்கள்.