எல்லா ‘wood’டிலும் இதைப்பற்றிதான் பேசுகிறார்கள். எந்த மொழிப் படமும் பெரிதாக ஓடவில்லை. மக்கள் திரையரங்குக்கு வருவதில்லை. காரணம் டிக்கெட் விலை. 

கூடவே பார்க்கிங், ஸ்நாக்ஸ் அயிட்டங்கள்.எனவே ‘மலிவான சினிமா சாத்தியமா’ என்ற கேள்வி முன்னிலைக்கு வந்திருக்கிறது.  ‘‘மாலில் ஒரு சினிமா பார்க்க வேண்டுமென்றால் காரில் அல்லது ஆட்டோவில் நான்கு பேர் பயணம், டிக்கெட், பார்க்கிங், ஸ்நாக்ஸ்... இவையெல்லாம் சேர்த்து ரூ.5000 முதல் ரூ.7000 வரை செலவாகும் நிலை இருக்கு. 

இதில் டின்னர், லன்ச் என திட்டமிட்டால் இன்னும் எகிறும். இதுதான் இன்னைக்கு குடும்பமா சினிமா போக நினைத்தால் ஆகும் செலவு. இதில் மாதத்துக்கு ஓரிரு படத்தை விடுங்க... மூணு மாதங்களுக்கு ஒரு படம் கூட யோசிக்க வேண்டிய நிலை இருக்கு...’’ என்று ஆரம்பித்தார் சந்திரசேகரன். 

 தொழிலதிபரான இவர், இதற்கு ஓடிடியிலேயே பார்க்கலாம் என முடிவெடுத்து விடுகிறோம் என்கிறார். ‘‘ரூ.100 - ரூ.150 ப்ளஸ் ஸ்நாக்ஸ் விலை... இப்படியிருந்தா குடும்பமா தியேட்டர் போய் சினிமா பார்க்கும் கூட்டம் அதிகரிக்கும். மக்களுக்கு பொழுதுபோக்கு சினிமாதான். மக்களை நம்பிதான் சினிமா தொழிலும் இருக்கு. அப்ப ஒருவருக்கு ஒருவர் சப்போர்ட் செய்தாதானே சினிமா சிஸ்டம் சீராகும்...’’ என்று கேட்கிறார். 

முன்னாடி குடும்பமா ஊருக்குப் போனா அல்லது சொந்தக்காரங்க வந்தா படத்துக்குப் போகலாம்னு நினைப்போம். இப்ப அப்படி நினைக்கவே கூடாதுனு நினைக்கறோம்...’’ என்கிறார் பிரியா.

செய்துடுவாங்க. 

பிராக்டிக்கலா பார்த்தா மல்டி பிளக்ஸ்ல ஒரு குடும்பத்தை சேர்ந்த 4 பேர் படம் பார்க்கும் பணத்துல வார இறுதில அந்தக் குடும்பம் மினி டூரே போயிட்டு வரலாம் என்பதுதான் நிஜம். அரசு ஆதரவு தெரிவிச்சா நூறு ரூபாய்க்கு டிக்கெட் சாத்தியம். அதேபோல மினி பிளக்ஸ் அதிகரிக்கணும். மலிவான விலையுடன், ஏரியாவுக்கு ஒரு திரையரங்கம் வரணும்...’’ என்கிறார் சி.வி.குமார்.  

‘‘நிச்சயம் ரூ.100க்கு டிக்கெட் தர முடியும்...’’ என்கிறார் மதுரை திரையரங்க உரிமையாளரான ராஜா செல்லதுரை. ‘‘எங்க தியேட்டர்ல அஞ்சு வருஷங்களுக்கு முன்னாடி ரூ.50க்கு நான் டிக்கெட் கொடுத்திருக்கேன். இப்பவும் என் தியேட்டர்ல ரூ.20க்கு ஸ்நாக்ஸ் உண்டு. சில நேரம் கையைக் கடிக்கும். 

ஆனா, பல நேரம் அரங்கம் நிறைந்த சூழல் நிலவுதே... மின்சார பில், வரி எல்லாம் இதை வைச்சே ஈடு கட்ட முடியுது. ஏரியாவுக்கு நான்கு திரையரங்குகளாவது இப்படி இருந்தா படங்கள் ஓடும். எனக்குத் தெரிஞ்சு பல கிராமப்புற தியேட்டர்ஸ் இப்பவும் லாபத்துலதான் இயங்குது. இப்போதைய விமர்சனம், திட்டு எல்லாமே டிக்கெட் + ஸ்நாக்ஸ் + பார்க்கிங் விலையாலதான்...’’ என்கிறார் ராஜா செல்லதுரை.