ஆனால், சேர்த்திருக்கிறது அண்மையில் வெளியாகியிருக்கும் ஓர் ஆய்வு.காலநிலை மாற்றத்துக்கான உச்சி மாநாடு பிரேசில் நாட்டில் நடைபெற்று வருகிறது. 

இந்த மாநாட்டில் ஓர் அறிக்கை சமர்ப்பிக்கப்பட்டிருக்கிறது. இதை தயாரித்தது ‘ஜெர்மன் வாட்ச்’ எனும் ஒரு தன்னார்வ அமைப்பு. இந்த அறிக்கையின் பெயர் ‘க்ளைமேட் ரிஸ்க் இண்டக்ஸ்’. தமிழில் சொன்னால் காலநிலை மாற்றத்தால் ஏற்படும் ஆபத்துக்கான குறியீடுகள். 

‘இந்தியா 2024ம் ஆண்டு பட்டியலில் 15வது இடத்தில் இருந்தது. 2025ல் 9வது இடத்துக்கு வந்திருக்கிறது. 2025 என்றால் அது 2024க்கான அறிக்கை. 2024 என்றால் அது 2023க்கான அறிக்கை என்பதை நினைவில் கொள்க.இந்த அறிக்கை உலகநாடுகளில் கடந்த 30 வருடத்தில் என்ன விளைவுகள் ஏற்பட்டன என கணித்திருப்பதால்  இந்தியா வில் இந்த ஆண்டுகளில் என்ன நிகழ்ந்தது எனப் பார்ப்போம்.

‘இந்த 30 வருடத்தில் சுமார் 430 தீவிர காலநிலை மாற்றங்கள் நிகழ்ந்துள்ளன. இந்த 30 வருடத்தில் இந்த நிகழ்வுகளால் இந்தியாவில் சுமார் 80 ஆயிரம் பேர் இறந்திருக்கிறார்கள். 130 கோடிப் பேர் பாதிப்படைந்திருக்கிறார்கள். 170 பில்லியன் டாலர் மதிப்பில் பொருளாதார சேதங்கள் ஏற்பட்டிருக்கின்றன.