பாடலுக்கான MOOD புரிஞ்சு கீ போர்டில் கையை வெச்சு, வாய்க்கு வந்ததை கத்துவேன்...

தமிழ்த்திரை இசையில் மெலோடி, புதுமை கலந்து ரசிகர்களின் மனதில் இடம் பிடித்தவர் இசையமைப்பாளர் நிவாஸ் கே. பிரசன்னா. ‘தெகிடி’ படத்தின் மூலமாக அறிமுகமான அவர் ‘சேதுபதி’ முதல் ‘பன் பட்டர் ஜாம்’ வரை பல படங்களில் தனக்கென ஒரு தனித்துவமான மியூசிக்கை உருவாக்கியவர். இப்போது ‘பைசன்’ படத்துக்கு இசையமைத்ததன் வழியாக லைம்லைட்டுக்கு வந்துள்ளார். 

இசையை ஒரு அனுபவமாக உணர்ந்து, ஒவ்வொரு பாடலிலும் புதிய உணர்வைத் தேடுபவர் அவர். தனது இசைப் பயணத்தையும், படைப்பாக்கத்தையும் நம்மிடம் பகிர்ந்துகொள்கிறார் நிவாஸ்.திருநெல்வேலி பின்புலம் உங்கள் இசை ஆர்வத்தை எப்படி பாதித்தது?

பள்ளி நாட்களில் நிறையப் போட்டிகளில் பரிசுகள் வாங்கியதைப் பார்த்து பலர் என் அம்மாவிடம் ‘உங்க பையன் மியூசிக்ல ஆர்வமாக இருக்கிறான்’ என்று சொன்னார்கள். 
ப்ளஸ் டூ முடிச்சதும் என்னுடைய கனவை அடைய சென்னைக்கு வந்தேன். சான்ஸ் தேடும் படலத்தில் கிடைத்த வாய்ப்புதான் ‘தெகிடி’.

அடிப்படையில் நீங்கள் விஸ்காம் ஸ்டூடண்ட். அந்தக் கல்வி உங்கள் இசை உருவாக்கத்தில் எவ்வாறு உதவுகிறது?

மீடியா சார்ந்த படிப்பு என்பதால் பயனுள்ளதாக இருந்துச்சு. எந்தக் காலத்திலும் மியூசிக் என்னுடைய ஃபோகஸாக இருந்துச்சு. என்னுடைய குருநாதர் மித்ரன். அவர்தான் முதன் முதலில் கையைப் பிடிச்சு மியூசிக் சொல்லிக்கொடுத்தார். டேவிட் தாமஸ் சார் பியானோ சொல்லிக்கொடுத்தார். ராஜேஷ் வைத்யா சாரிடம் சில சங்கீத நுணுக்கம் கத்துக்கிட்டேன். இசையில் அவர்தான் என்னுடைய குருநாதர்.

திரைப்படங்களுக்கு முன் குறும் படங்களும், சுயாதீன பாடல்களும் செய்தீர்கள். அந்த அனுபவம் எவ்வளவு முக்கியம்?

அதை சினிமாவுக்கு வருவதற்கான வழியாகப் பார்க்கிறேன். ஷார்ட் ஃபிலிம், ஆல்பம் ஒர்க்தான் சினிமா வாய்ப்புக்கான கதவுகள். 

உங்கள் முதல் படம் ‘தெகிடி’. அந்த வாய்ப்பு எப்படி கிடைத்தது?

அந்த வாய்ப்பு கிடைக்க ‘திங்க் மியூசிக்’ சந்தோஷ் முக்கிய காரணம். அவர்தான் தயாரிப்பாளர் சி.வி.குமார் சாரிடம் அறிமுகம் செய்து வைத்தார். மற்றபடி முதல் படம் என்ற டென்ஷன் இல்லாமல் ஜாலியாக வேலை செய்தேன். 

உங்கள் இசைப் பயணத்தில் ‘பைசன்’ படத்துக்கு எந்த இடம் தருவீங்க?