சுற்றுலா என்பதே கவலைகளை மறந்து மகிழ்ச்சியுடன் இருப்பதற்காகச் செல்வதுதான். இதில் ஒவ்வொருவரும் ஒரு ரகமாக இருப்பார்கள். சிலர் ஆன்மீகச் சுற்றுலா எனக் கோயில்களாக வலம் வருவார்கள். சிலரோ வரலாற்று இடங்களைச் சுற்றிப் பார்ப்பார்கள். 

இன்னும் சிலர் மலைப் பிரதேசங்கள், கடற்கரைப் பகுதிகள் உள்ளிட்ட பொழுதுபோக்கு அம்சங்கள் நிறைந்த இடங்களுக்குப் போய் வருவார்கள்.ஆனால், போரில் பாதித்தபகுதிகளைச் சுற்றிப் பார்ப்பது, ஒருகாலத்தில் ராணுவ படுகொலைகள் நடந்த இடங்களுக்குச் சென்று ரசிப்பது, பேரழிவுகள் நிகழ்ந்த இடங்களுக்குச் செல்வது எல்லாம் செய்வோமா என்ன?

அப்போது ஆஷ்விட்ஸ் I போர்க் கைதிகளின் முகாமாக மாறியது. இதில் முதலிரண்டு ஆண்டுகள் பெரும்பாலான கைதிகள் போலந்து மக்களாக இருந்தனர்.கைதிகள் அற்பமான காரணங்களுக்காக அடித்து, சித்ரவதை செய்யப்பட்டு கொல்லப்பட்டனர். பின்னர் அடுத்த முகாம்கள் உருவாக்கப்பட்டன.

இந்த ஆஷ்விட்ஸ்-பிர்கெனாவ் முகாமிற்கு அனுப்பப்பட்ட 1.3 மில்லியன் அதாவது 13 லட்சம் மக்களில் 11 லட்சம் பேர் கொல்லப்பட்டனர். இதில் முக்கால்வாசிப் பேர் யூதர்கள். இந்த இடம் பின்னர் அருங்காட்சியகமாகவும், நினைவுச் சின்னமாகவும் மாற்றப்பட்டது.

சமீபத்திய இஸ்ரேல் போருக்கு காசா அருகே உள்ள ரெய்ம் கிப்புட்ஸில் நடந்த இசைவிழாதான் காரணமாக இருந்தது. இந்த இசைவிழாவில் ஹமாஸ் படையினர் தாக்குதல் நடத்தினர். இதில் 1200 பேர் கொல்லப்பட்டனர். 

தற்போது இந்த இடம் ஒரு நினைவுச்சின்னமாகி தினமும் 7 ஆயிரம் பார்வையாளர்கள் வந்துசெல்லும் இடமாக உள்ளதாகச் சொல்கின்றன தகவல்கள். இறந்தவர்களின் வீடுகள், குண்டு துளைத்தகற்கள் போன்றவற்றைப் பார்க்க மக்கள் அனுமதிக்கப்படுகின்றனர். இதுபோல ஏராளமான இடங்கள் உள்ளன.

‘வார் டூர்ஸ் இன் உக்ரைன்’ என இணையதளங்களும் உள்ளன. இதன் முகப்பில் ‘உங்கள் கண்களால் ரஷ்ய ஆக்கிரமிப்புகளைப் பார்க்கலாம்’ என்கின்றன தகவல்கள்.இதில் சேதமடைந்த மற்றும் அழிக்கப்பட்ட வீடுகள், எதிரிகளின் ராணுவ உபகரணங்கள், தளவாடங்கள் மற்றும் ஆயுதங்களின் எச்சங்கள் ஆகியவற்றை பார்வையிடலாம் எனச் சொல்லப்பட்டுள்ளது. 

இதில் சுற்றுலாப் பயணிகள் சென்று வந்துள்ள சில தகவல்களும் உள்ளன. கடந்த ஆண்டு உக்ரைனில், ரஷ்யப் படையினரால் அழிக்கப்பட்ட இர்பின் பாலத்தை, ஸ்பானிஷ் பயணி ஆல்பர்டோ சுற்றிப் பார்த்துவிட்டு அதனை தன்னுடைய யூடியூப்பில் வெளியிட்டார்.

இது பலரை கவனிக்கச் செய்தது. சிலிர்ப்பைத் தேடும் சுற்றுலாப் பயணிகளுக்கு இது ஒரு முக்கியமான இடம் என்றும் அவர் குறிப்பிட்டார். அப்படியாக இந்தப் போர் சுற்றுலாவிற்குப் பலரும் சென்று வருகின்றனர். 

உலகின் மிகப்பெரிய துயரங்களையும், அதன் கொடூரங்களையும் புரிந்துகொள்ள விரும்புவதால் பேரழிவு மற்றும் இழப்பு ஏற்பட்ட இடங்களுக்குச் செல்ல மக்கள் விரும்புகின்றனர். சரிதான். ஆனால், இவற்றிலிருந்து அவர்கள் என்ன கற்றுக்கொள்வார்கள் என்பது ஒரு கேள்வியாகவே இருக்கிறது.

பசிபிக் பெருங்கடலில் அமெரிக்காவுக்குச் சொந்தமான ஹவாய் தீவில் உள்ள பேர்ல் ஹார்பர் மீது 1941ம் ஆண்டு ஜப்பான் குண்டுகளை வீசித் தாக்கியது. இதில் ஏராளமான வீரர்கள், செவிலியர்கள், பொதுமக்கள் உயிரிழந்தனர்.தற்போது இந்த இடம் ஒரு நினைவுத் தளமாக செயல்படுகிறது. 

ஹவாய் தீவிற்கு சுற்றுலா வருபவர்கள் பலரின் முதல் சாய்ஸில் இந்த இடம் இருக்கிறது.