‘‘இந்த வருஷமே சினிமாவில் அறிமுகம் கிடைச்சு, மூணு படங்கள் வெளியாகிடுச்சு. ஒருபக்கம் சந்தோஷமா இருக்கு. இன்னொரு பக்கம் கொஞ்சம் பயமாகவும் இருக்கு. இனிமே பார்த்து பொறுப்பா கதைகள் தேர்வு செய்யணும். 

நல்ல நடிகைன்னு பெயர் வாங்கணும்...’’ தெளிவாகப் பேசுகிறார் டாக்டர் + ஆக்டரான பாடினி குமார்.சுருள் முடி, முகம் நிறைய புன்னகை, கண்களில் கனவுகள் என இதயத்தைத் திருடும் அழகி. படித்ததோ இதய அறுவை சிகிச்சை மருத்துவம். இப்போது சினிமாவில் ஹார்ட் பீட் எகிற வைக்க தயாராக இருக்கிறார்.

எம். பி.பி.எஸ் ( கார்டியா டெக்னாலஜி) முடிச்சிருக்கேன். பூர்வீகம் திருநெல்வேலி. நான் பிறந்து வளர்ந்ததெல்லாம் சென்னைலதான். அப்பா சந்தன குமார், அம்மா சரஸ்வதி. எனக்கு சினிமா மேலே சின்ன வயதில் இருந்தே ஆசை. 

லாக்டவுன் நாட்களில் டிக்டாக் செய்தேன். ஆனால், அதிலே நடிக்கவே ரொம்பத் தயக்கமா இருக்கும். அதுக்காக அப்படியே விட்டுட முடியாதே! ஆசை இருக்கே!அதனால பயிற்சி எடுக்கும்விதமா டிக்டாக் செய்ய ஆரம்பிச்சேன். ஓரளவு கான்ஃபிடன்ஸ் வந்ததும் சினிமாவுக்கு போக முடிவு செய்தேன்.

அப்புறம் ‘ஹார்ட் பிட்’ சீசன் 2 முடிஞ்சு தயாராக இருக்கு. தொடர்ந்து இன்னொரு வெப் சீரிஸ்... ‘ஹார்ட் பீட்’ டீம் கூடவே செய்து அதுவும் முடிச்சிட்டேன்.