சமூக வலைத்தளங்களிலும், ஆன்லைன் டேட்டிங் appகளிலும் உஷாராக இருக்க வேண்டும் என்று எவ்வளவோ விழிப்புணர்வுகள் செய்யப்பட்டாலும் மக்கள் ஏமாறுவது தொடர்ந்துகொண்டே இருக்கிறது. 

இதற்கு சமீபத்திய உதாரணம் இந்தச் சம்பவம். சீனாவையே உலுக்கியிருக்கிறது இந்த ஆன்லைன் ஊழல். சீனாவின் முக்கியமான நகரங்களில் ஒன்று, நாஞ்சிங். அங்கே 38 வயதான ஜியோவா என்ற பெண் வசித்து வந்தார். சில மாதங்களுக்கு முன்பு சமூக வலைத்தளங்களிலும், டேட்டிங் ஆப்களிலும் ‘சிஸ்டர் ஹாங்’ என்ற பெயரில் தனது பக்கத்தை உருவாக்கினார்.

டேட்டிங் ஆப்பின் ப்ரொஃபைலில் திருமணமான பெண் என்று தன்னைப் பற்றி குறிப்பிட்டிருந்தார். அடுத்தவர்களின் மனைவி அல்லது காதலியுடன் பாலியல் உறவு கொள்ளும் வேட்கையுடன் இருப்பவர்களை நோக்கி தனது வலையை வீச ஆரம்பித்தார் ஜியோவா. இதற்காகவே பிரத்யேகமான டேட்டிங் ஆப்கள் நிறைய இருக்கின்றன. அதை குறி வைத்து மட்டுமே இயங்கினார்.

இதுபோக ஆன்லைனில் தனியாக ஒரு குழுவை ஆரம்பித்து, அதில், தான் எடுத்த ஆபாச வீடியோக்களைப் பகிர்ந்தார். 

இந்த வீடியோக்களை உறுப்பினர்கள் மட்டுமே பார்க்க முடியும். உறுப்பினர் கட்டணம், 1750 ரூபாய்.கடந்த ஜூலை மாதம் ஜியோவா விற்பனை செய்த ஒரு வீடியோ ஒன்று சீனாவின் சமூக வலைத்தளப் பக்கத்தில் வைரலானது. பத்து லட்சம் பார்வைகளுக்கு மேல் பார்வைகளை அள்ளிய அந்த வீடியோ வெளியான பிறகே, ஜியோவாவின் ஊழல் வெளிச்சத்துக்கு வந்தது.

அதற்குப் பிறகு ஜியோவா வெளியிட்ட மற்ற ஆபாச வீடியோக்களும் வைரலாகத் தொடங்கின. அந்த வீடியோக்களில் தங்களுக்குத் தெரிந்தவர்கள், கணவர்கள், காதலர்கள் இருப்பதைப் பார்த்து பலரும் அதிர்ச்சியில் உறைந்து போனார்கள். 

தவிர, அந்த ஆபாச வீடியோக்களில் இருந்தவர்கள் அவமானத்தில் வீட்டுக்குள்ளேயே முடங்கிப்போன சம்பவமும் நிகழ்ந்தன. இதையடுத்து சீனாவின் சமூக வலைத்தளங்களில் ‘சிஸ்டர் ஹாங்’ என்ற பெயர் முக்கிய பேசுபொருளாக மாறியது. ஆரம்பத்தில் ஜியோவாவிடம் 1,600 ஆண்களுக்கு மேல் சென்றிருக்கலாம் என்ற அதிர்ச்சித் தகவல் சீன சமூக வலைத்தளங்களில் வைரலாகப் பரவியது.