‘‘நீ பயப்படாத... இந்தியா வந்துட்ட இல்லையா? இனி நான் பார்த்துக்கறேன். இனி நீ என் சொத்து...’’அங்கே போன் கைமாறுகிறது. 

‘‘சார்... இவங்க பல மில்லியன் டாலர்கள் கொண்டு வந்திருக்காங்க. இவ்வளவு பணம் அனுமதிக்க முடியாது. ரூ.3 லட்சம் அபராதம் கட்ட வேண்டி இருக்கும்...’’‘‘சார்! அவங்க எனக்கு மனைவி ஆகப் போறவங்க. என்னைப் பார்க்கதான் இந்தியா வந்திருக்காங்க. அந்த அபராதத் தொகையை நான் கட்டுறேன்.  என்கிட்ட ரூ.3 லட்சம் இல்ல. ஏதாவது சலுகை தர முடியுமா?

பல கட்ட போன் பேச்சுவார்த்தைகளுக்குப் பிறகு ரூ.1.70 லட்சம் அபராதம் என ஒப்பந்தம் முடிவானது.‘‘எப்படியாவது என்னைக் காப்பாத்துங்க. தில்லி விமான நிலையம் வாங்க...’’ பெண் குரல் இன்னும் தழுதழுக்கிறது. 

அங்கே இங்கே கடனை வாங்கி, கையில் இருந்த நகைகளை எல்லாம் விற்று அல்லது அடமானம் வைத்து ரூ.1.70 லட்சம் அக்கவுண்டில் போடப்பட்டுவிட்டது. தகவல் தெரிவிக்க அழைத்தால் போன் சுவிட்ச் ஆஃப். அந்தப் பெண்ணின் ஆன்லைன் தொடர்புகள் அனைத்தும் பிளாக்.

ரூ. 60,000 கோடி!இது உலகளவில் டிஜிட்டல் காதல் மோசடிக்கு அதிகப் பண இழப்பை சந்தித்த முதல் நாடாக அமெரிக்காவை மாற்றியுள்ளது.

ஆஸ்திரேலியாஆண்டுக்கு $33 மில்லியனுக்கும் அதிகமான பண இழப்பீட்டில் உலகின் மூன்றாம் இடத்தில் ஆஸ்திரேலியா உள்ளது. கடந்தாண்டு 3,400க்கும் மேற்பட்ட டிஜிட்டல் காதல் மோசடி சம்பவங்கள் பதிவாகியுள்ளன. 

பாதிக்கப்பட்ட ஒவ்வொருவரும் சராசரியாக $10,000 இழந்திருக்கிறார்கள். இது உலகளாவிய சராசரி இழப்பை விட மிக அதிகம். ஆஸ்திரேலியாவில் பெரும்பாலும் நம்பிக்கையின் அடிப்படையில் நடக்கும் மோசடிகள்  கிரிப்டோகரன்சி அல்லது ஃபாரெக்ஸ் (வெளிநாட்டு நாணய) முதலீடுகளில் பணம் செலுத்தும் வழியில் இழக்கப்படுகிறது.

ஆண்டுக்கு 20 மில்லியன் டாலர்கள் பண மோசடி ஜெர்மனியில் நிகழ்கிறது. ஐந்தாம் இடத்தில் இருக்கும் ஜெர்மனியில் பொதுவாக ஓரிரு மாதங்களில் பழகி பணம் பறிப்பது கிடையாது. பொறுமையாக ஓரிரு வருடங்கள் உறவைப் பலப்படுத்தி அவர்களை மிகப்பெரிய நம்பிக்கை வளையத்துக்குள் கொண்டு வந்து ஒருவரின் மொத்த வாழ்நாள் சேமிப்பையும் திருடும் அளவிற்கு திட்டமிடுகிறார்கள். இங்கே மோசடிக்காரர்கள் குறி வைப்பது விவாகரத்தான வயதான முதியவர்கள், தனிமையின் துயரத்தில் இருக்கும் 50 வயதுக்கு மேற்பட்ட பணக்காரர்களைத்தான்.

ஆண்களில் பெரும்பாலும் மருத்துவர்கள், ஃபிட்னஸ் மாடல்கள், ராணுவ அதிகாரிகளின் புகைப்படங்களை, வீடியோக்களை அதிகம் பயன்படுத்துகிறார்கள்.

பெண்கள் பொதுவாக என் கணவன் காமக்கொடூரனாக என்னை தினமும் பாலியல் பலாத்காரம் செய்கிறான், கல்லூரி மாணவியாக படிப்பதற்கும் சாப்பிடுவதற்குமே கஷ்டப்படுகிறேன்... இப்படியான காரணங்கள்தான் அதிகம் சொல்லப்படுகின்றன. 

இவர்கள் வாழும் நாட்டிலிருந்து இவர்கள் ஏமாற்றப் போகும் நபர் வேறு ஒரு நாட்டில் இருக்கிறார் எனில் அவரை சந்திக்க தாங்கள் வருவதை நிரூபிக்கும் விதமாக விமான பயணச்சீட்டு உட்பட தேவையானதை எல்லாம் எடுத்து அதை போனில் படம் எடுத்து அனுப்புவார்கள்.

ஏனெனில், மேலே குறிப்பிட்ட ஐந்து நாடுகளைக் காட்டிலும் ஆசிய நாடுகளில் அதிகம் டிஜிட்டல் காதல் மோசடி நடப்பதாக தெரிவிக்கிறது இன்னொரு ஆதாரம். இந்த மோசடியில் குறிப்பாக ஏன் இந்தியர்கள் டாப் மூன்றில் வருவார்கள் என்பதற்கு AI ஆய்வுகள் கொடுக்கும் புதிய ஆதாரம் போலி சமூக வலைதள பக்கங்களின் உருவாக்கம்தான். 

சமூக வலைதளங்கள், டேட்டிங் செயலிகளில் அதிகம் போலிக் கணக்குகளை உருவாக்கும் நாடுகளின் சராசரி விகிதத்தை கணக்கிட்டால் இந்தியா அதில் மூன்றாம் இடம் வருகிறது. எனில் ஏமாறும் சதவீதமும் இங்கே அதிகமாக இருக்கலாம் என்கிறது சைபர் குற்றப் பிரிவு.

இதில் வீட்டில் இருக்கும் 40+ வயது பெண்கள்/விவாகரத்தாகி நல்ல வேலையில் தனியாக இருக்கும் பெண்கள் அதிகம் என்பதை அலட்சியப்படுத்த முடியாது. ஆண்களில் அதிகம் 35 - 60 வயதினர் ஏமாறுகிறார்கள் எனில் மோசடிக்காரர்கள் சுமாராக 17 - 30 வயது ஆண்கள்; 17 - 40 வயது பெண்களாக இருப்பதாக புள்ளிவிபரங்கள் தெரிவிக்கின்றன. 

மோசடிகள் அதிகரிக்க முதன்மையான காரணம் உடல் தேவை. அத்துடன் இணைந்து யாராவது நம்மிடம் அக்கறை காட்டுவது போல் அன்பாக பேசினால் மனித மனம் மிகச் சுலபமாக மயங்கிவிடும். இதுதான் மோசடி கும்பல்களின் டிரம்ப் கார்ட்.

ஆன்லைனிலேயே இவர்களைக் கண்டுபிடிக்கலாம் Video Search, Image Search உள்ளிட்ட எத்தனையோ வசதிகள் வந்துவிட்டன. உங்களிடம் பேசும் நபரின் புகைப்படங்களை சாதாரணமாக கூகுள் தேடலில் இமேஜ் தேடல் கொடுத்தாலே புகைப்படத்திற்கு சொந்தக்காரரின் உண்மையான சமூக வலைதள கணக்குகள் கிடைத்துவிடும். 

பணம் குறித்து பேசத் துவங்கினால்... உடனே வீடியோ கால் செய்யச் சொல்லுங்கள். விமான டிக்கெட் புக்கிங் அனுப்பினால் மூன்று நாட்களுக்குப் பிறகு மீண்டும் அந்தப் பயணச் சீட்டை கேளுங்கள். வங்கிக் கணக்குகளை வாங்கி ஆராயுங்கள். மொத்தத்தில் எச்சரிக்கையுடன் இருப்பது நல்லது.