அதிகரிக்கும் குடும்ப வன்முறை...தீர்வு என்ன?

ஒருவரின் இல்வாழ்க்கை அன்பையும், அறத்தையும் கொண்டிருந்தால் அதுவே பண்பும், பயனும் ஆகும் என்கிறார் வள்ளுவர். ஆனால், சமீபமாக இந்தியாவில் அதிகரித்து வரும் குடும்ப வன்முறையோ அன்பையும், அறத்தையும் கேள்விக்குள்ளாக்கி இருக்கிறது.  கடந்த ஐந்தாண்டுகளில் உத்தரப்பிரதேசம், பீகார், ராஜஸ்தான், மகாராஷ்டிரா, மத்தியப் பிரதேசம் ஆகிய ஐந்து மாநிலங்களில் மட்டும் 785 கணவர்கள் கொல்லப்பட்டிருக்கிறார்கள் என்கிறது ஒரு செய்தி. இவர்களைக் கொன்றவர்கள் வேறு யாருமில்லை, அவர்களின்  அன்புக்குரிய மனைவிகளேதான்.