ஆம். இத்தனைக்கும் அது ஆயில் பெயிண்டிங். என்றாலும் அதில் வரையப்பட்டது மகாத்மா காந்தியின் அரிய உருவப்படம் என்ற பெருமை இந்த ஓவியத்துக்கு உண்டு.

எனவேதான் ரூ.1.7 கோடிக்கு விற்பனையாகியுள்ளது.இந்த உருவப்படம் லண்டனில் உள்ள பாரம்பரிய பொருள்களை ஏலம் விடுவதற்கான போன்ஹாம்ஸ் இல்லம் மூலம் சில நாட்களுக்கு முன் இணைய வழியில் ஏலம் விடப்பட்டது.

1931ம் ஆண்டு நடைபெற்ற இரண்டாவது வட்ட மேசை மாநாட்டில் பங்கேற்க லண்டனுக்கு மகாத்மா காந்தி சென்றார். 

அப்பொழுது அங்கு புகழ்பெற்ற ஓவியரான கிளேர் லெய்டன் அறிமுகமானார். மகாத்மா காந்தியின் தோற்றத்தாலும் பழகும் முறையாலும் தெளிவான பேச்சாலும் ஈர்க்கப்பட்ட கிளேர் லெய்டன், ‘உங்களை ஓவியமாக வரைய விரும்புகிறேன். இதற்கு உங்கள் அனுமதி வேண்டும்...’ என வேண்டுகோள் வைத்திருக்கிறார்.