தமிழ் சினிமாவின் ஆகச் சிறந்த இயக்குநர்களாக சிலர் மட்டுமே பார்க்கப்படுகிறார்கள். அவர்களில் முக்கியமானவர் மீரா கதிரவன். இவருடைய ‘அவள் பெயர் தமிழரசி’ தமிழ் சினிமாவுக்கு பெருமை சேர்த்த படைப்பு. 

இப்போது இஸ்லாமியர்களின் வாழ்க்கையைச் சொல்லும் ‘ஹபீபி’ இயக்கியுள்ளார். இதன் போஸ்டர், பாடல்கள் எல்லாமே தனித்துவமாக இருப்பதோடு, ரசிகர்களிடையே நல்ல வரவேற்பைப் பெற்றுள்ளது. இந்த நிலையில் இயக்குநர் மீரா கதிரவனிடம் பேசினோம்.

சினிமாவில் கூட்டாகச் சேர்ந்து செய்வது பலம். பலவீனமும் அதுதான். ஒரு படம் எப்போது துவங்கி, எப்போது ரிலீஸாகவேண்டும் என்பதை இயக்குநர் ஒருவர் மட்டுமே முடிவு செய்யமுடியாது. தயாரிப்பாளர், விநியோகஸ்தர் என எல்லா தரப்பையும் சேர்ந்தது.என்னுடைய முதல் படமான ‘அவள் பெயர் தமிழரசி’ 2009ல் வெளியாச்சு. தாமதம் ஏன் என்று பார்த்தால் நான் தேர்ந்தெடுக்கும் கதைக்களம். 

அது பழகிய களமாக இல்லாமல் தனித்துவமாக இருக்கும். கதைக்குத் தேவையான உழைப்பு, உருவாக்கத்துக்கு காலம் தேவைப்படுகிறது.முதல் படத்துக்காக நலிவுற்ற தோல்பாவை கூத்துக் கலைஞர்களின் வாழ்க்கையை ஆய்வு செய்ததோடு, கலைஞர்கள் சந்திப்பு, பொம்மைகள் தேடல், புதுமுகங்களுக்கு நடிப்புப் பயிற்சி என நீண்ட பிராசஸ் இருந்துச்சு.     

‘விழித்திரு’ ஓர் இரவில் நடக்கும் கதை. பகலில் 10 ஷாட் எடுத்தால் இரவில் 3 ஷாட்தான் எடுக்க முடியும். அந்தப் படம் 2015ல் வெளியாச்சு. அதன் பிறகு பல்வேறு காரணங்களால் தாமதத்தை தவிர்க்க முடியவில்லை.‘ஹபீபி’ 100 வருட தமிழ் சினிமாவில் இதுவரை யாரும் செய்யாத முஸ்லீம் களம். 

அவர்கள் வசிக்கும் பகுதியில் ஷூட்டிங், முஸ்லீம்களை நடிக்க வைப்பது, அவர்கள் மொழி பேசுவது என இதற்கும் பிராசஸ் இருந்துச்சு.சராசரி ஃபார்மூலா படம் என்றால் வேகமாக எடுக்கலாம். களம்தான் நேரத்தை எடுக்கிறது. படைப்பு தாமதமாகும்போது இயக்குநராக கஷ்டம் இருக்கத்தான் செய்கிறது.

ஆனால், அவர்கள் எல்லோருமே திரையில் கதை சொன்னவர்கள். திரையில் முதன் முதலில் கதை சொன்ன தோல்பாவைக் கலைஞர்கள் பற்றி கதைகள் வரவில்லை. ‘அவள் பெயர் தமிழரசி’யில் அதை களமாக வெச்சு முதன் முதலில் எடுத்தேன்.

திரையில் கதை சொன்னவர்களை ஃபிலிம் மேக்கராக எப்படி அந்தப் படத்தை எடுத்தேனோ அதுமாதிரி தமிழ் சினிமாவில் இஸ்லாமியர்கள் வாழ்க்கையை சொல்லும் படம் எடுக்க திட்டமிட்டேன். தற்போது இஸ்லாமியர்கள் என்றால் தீவிரவாதிகள், முரடர்கள், பலதார மணம் செய்பவர்கள், பெண் அடிமைத்தனத்தை கொண்டாடக்கூடியவர்கள் என பல தவறான தகவல்கள் அரசியல் நோக்கங்களுக்காக திட்டமிட்டு பரப்பப்படக்கூடிய காலமாக உள்ளது.

கடந்த 15 வருடங்களாக நான் சந்தித்த மக்களிடையே இஸ்லாமிய வெறுப்பு ஒவ்வாமை உருவாக்கப்படுகிறது. அதை களைவதற்காகவும் இந்தமாதிரி படம் பண்ணணும்னு முடிவு எடுத்தேன். அதுவும் என் வாழ்க்கையிலிருந்து படம் பண்ணணும்னு நினைச்சேன். 

தென் தமிழ்நாட்டில் உள்ள முஸ்லீம்களின் வாழ்க்கைதான் படம். அவர்கள் வாழ்க்கையில் உள்ள அன்பு, நேசம், காதல் போன்ற உணர்வுகளை மென்மையாகச் சொல்லும் படம். முஸ்லீம் களமாக இருந்தாலும் எல்லோரும் கதையோடு பொருத்திப்பார்க்கக்கூடிய படமாக இருக்கும்.

மகேஷ் முத்துசுவாமி எனக்கு பிடிச்ச கேமராமேன். ‘சித்திரம் பேசுதடி’, ‘அஞ்சாதே’, ‘மெளனகுரு’ என அவர் ஒளிப்பதிவு செய்த படங்களுக்கு நான் பெரிய ரசிகன். இது கவித்துவம், அமைதி இருக்கக்கூடிய படம். அவருடன் வேலை செய்யவேண்டும்னு ஆசை என்பதோடு படத்துல இருக்கும் ஆன்மாவை அவரால் கேப்ச்சர் பண்ணமுடியும்னு நம்பினேன்.

சுரேஷ் காமாட்சி சாருக்கு பெரிய நன்றி சொல்லவேண்டும். இயக்குநர் ராம் படம் பார்த்துவிட்டு அவரிடம் சொல்லியிருக்கிறார். படம் பார்க்க முடியுமா என்று கேட்டபோது, டப்பிங் வெர்ஷன்தான் கொடுத்தேன். படம் பார்த்துவிட்டு நானே ரிலீஸ் பண்றேன்னு ரிலீஸ் வேலைகளை அதிக முனைப்போடு செய்து வருகிறார்.