ஏ.சி.திருலோகசந்தரின் பேத்தி இன்று ஹீரோயின்!

நடிக்கப் போறேன்னு சொன்னதும் தாத்தா ‘நோ’ சொன்னார்.

தமிழ் சினிமாவின் மாபெரும் ஆளுமைகளான எம்ஜிஆர், சிவாஜி போன்ற ஜாம்பவான்களை வைத்து ஏராளமான வெற்றிப் படங்களை இயக்கியவர் ஏ.சி.திருலோகசந்தர்.
ஒரு தலைமுறை இடைவெளிக்குப் பிறகு இவருடைய குடும்பத்தில் இருந்து நடிக்க வந்துள்ளார் யாமினி சந்தர். இவர் சண்முகப் பாண்டியன் நடிப்பில் வெளியாகியுள்ள ‘படை தலைவன்’ படத்தில் நாயகியாக நடித்துள்ளார். படத்துக்கு ரசிகர்களிடையே வரவேற்பு கிடைத்த நிலையில் யாமினியை மறைமலை நகரில் உள்ள அவருடைய இல்லத்தில் சந்தித்தோம்.

‘படை தலைவன்’ படத்திலிருந்து ஆரம்பியுங்கள்..?

முற்றிலும் வித்தியாசமான அனுபவம். ஏனெனில், அது காட்டில் நடக்கும் கதை. வழக்கமான ஹீரோயினுக்கான கதை கிடையாது. ஏற்கனவே சில படங்களில் நடித்திருந்தாலும் இந்தப் படத்தில்தான் நாயகியாக முதன்மை வேடத்தில் நடித்தேன். யானை, மான் போன்ற வனவிலங்குகளைச் சுற்றி நடந்த கதை. படமாகவும், படப்பிடிப்பு நடந்தவிதமாகவும் எனக்கு வித்தியாசமான அனுபவமாக இருந்துச்சு.

சண்முகப் பாண்டியன்..?

எளிமையாகப் பழகக் கூடியவர். கேப்டன் சாரின் மகன் என்ற மனோபாவம் இல்லாதவர். தன் அப்பா மாதிரி எளிமையாகப் பழகுவார். செட்ல உள்ள எல்லோரையும் அன்பாக நலம் விசாரிப்பார். ஃப்ரெண்ட்லியாக இருந்தார். இன்னொரு சர்பிரைஸ் சொல்லட்டுமா... நானும் அவரும் ஒரே பள்ளியில்தான் படித்தோம். ஒன்றாகச் சேர்ந்து நடிப்போம்னு கனவிலும் எதிர்பார்க்கவில்லை.

படத்துல என்ன மாதிரி சவால்கள் இருந்துச்சு?