வேலூர் என்றாலே முதலில் நினைவுக்கு வருவது 16ம் நூற்றாண்டில் பொம்மு நாயக்கரால் (விஜயநகர பேரரசு) கட்டப்பட்ட வேலூர் கோட்டையும், 1830ம் ஆண்டு கட்டப்பட்ட மத்திய சிறைச்சாலையும், கோடையில் 110 டிகிரி வெளுத்து வாங்கும் வெயிலும், உலக அளவில் கல்வியில் முன்னணியில் திகழும் விஐடியும்தான். 

ஆனால், தற்போது முக்கிய அம்சமாக, இந்தியாவின் சமூகநீதியை நிலைநாட்டும் வகையில் வேலூர் திகழ்கிறது என்றால் நம்ப முடிகிறதா?

வேலூர் மாநகரத்தின் மையத்தில் இருப்பது உலகப் புகழ்பெற்ற விஐடி பல்கலைக்கழகமும், நூற்றாண்டைக் கடந்து மருத்துவ சேவையை ஆற்றி வரும் சிஎம்சி (கிறிஸ்டியன் மெடிக்கல் காலேஜ்) மருத்துவமனையும். உலகத்தின் பல்வேறு நாடுகள் மற்றும் மாநிலங்களில் இருந்தும் விஐடி யுனிவர்சிட்டியில் தங்கி படித்து வருகின்றனர். 

ஒவ்வொரு ஆண்டும் ஜனவரி மாதத்தில் தங்கள் மாநில / நாடுகளின் பாரம்பரிய உடை அணிந்து வந்து கலாசார விழாவை நடத்துகிறார்கள். சிலர் தமிழரின் பாரம்பரிய உடையான வேட்டி, சட்டை அணிந்து வந்து கொண்டாடுவார்கள்.

தனி வீடு எடுத்து தங்குபவர்கள் தாங்களே சமைத்துக் கொள்வார்கள். ஆனால், வசதி குறைந்த அறை வாடகை எடுத்து தங்குபவர்கள் என்ன செய்வார்கள்?

இவர்களை மனதில் வைத்தே வேலூர் வாசிகள், அவர்களது நாடு மற்றும் மாநிலங்களின் சமையலை சிறிய அளவில் செய்ய ஆரம்பித்தார்கள். 

மெஸ் என்னும் அளவுக்கு பெரியதாக இல்லை. என்றாலும் இவர்களைத் தேடி சாப்பிடுவதற்காக வருபவர்களின் எண்ணிக்கை அதிகரிக்கத் தொடங்கியது.விளைவு, கொஞ்சம் கொஞ்சமாக  தனி கடையை வாடகைக்கு எடுக்கும் அளவுக்கு உயர்ந்துவிட்டார்கள்.