‘‘நான் மலையாளி. தமிழ்ப் படம் செய்வதற்காகவே தமிழ்நாட்டில் தங்கி தமிழ், தமிழர்களின் வாழ்க்கையை கத்துக்கிட்டேன்...’’ என்கிறார் இயக்குநர் ஜெய்தேவ். பாவனா நடித்த ‘த டோர்’ படத்தின் இயக்குநர். 

இன்னொரு ஆச்சர்ய தகவல்-இவர் பாவனாவின் உடன் பிறந்த அண்ணன். இந்தப் படத்தின் தயாரிப்பாளர், பாவனாவின் கணவர் என்பது மற்றொரு ஆச்சர்யம். ‘‘நாங்கள் ஃபேமிலியா சேர்ந்து படம் எடுத்தோம்...’’ என்று பேச ஆரம்பித்தார் ஜெய்தேவ்.

என்னுடைய அப்பா ஜி.பாலசந்தர். ஸ்டில் ஃபோட்டோகிராபர். அது கேமராவுக்கு ஃபிலிம் ரோல் யூஸ் பண்ணிய காலகட்டம். அதில் சில ஃபிரேம் காலியா இருக்கும்போது என்னையும், தங்கச்சியையும் வெச்சு போட்டோ எடுப்பார்.

அந்த போட்டோஸ் சினிமா சர்க்கிளில் போனதும் மாடலிங் வாய்ப்பு கிடைச்சது. கேரளாவில் புகழ்பெற்ற குடை கம்பெனி விளம்பரத்துல நானும் தங்கச்சியும் இருக்கிற போட்டோ வந்துச்சு. அதிலிருந்து பல விளம்பரங்கள் நடிச்சேன்.

இதுவரை இருபதுக்கும் மேற்பட்ட படங்களில் வேலை பார்த்திருக்கிறேன். 

ஆனால், எல்லா படத்திலும் உதவி இயக்குநரா வேலை பார்த்தேன் என்று சொல்ல முடியாது. ஒரு படத்தில் உதவி இயக்குநர், ஒரு படத்தில் டிரைவர் என கிடைச்ச வேலை பார்த்தேன். மலையாளப் படங்களிலும் வேலை பார்த்திருக்கிறேன்.

எனக்கு வாய்ப்பு கொடு என்று தங்கச்சியிடம் கேட்டதில்லை. என் திறமைக்கு வேலை கொடுத்தால் போதும் என்ற மனநிலையில்தான் இருந்தேன். 

சொல்லப்போனால் நான் உதவி இயக்குநரா சேருவதற்கு அப்பா, தங்கச்சி என யாரிடமிருந்தும் சப்போர்ட் எதிர்பார்த்ததில்லை. எனக்கும் அதில் உடன்பாடு கிடையாது. நானே தெருத் தெருவா அலைஞ்சுதான் வாய்ப்பு தேடினேன்.

ஷூட்டிங் ஸ்பாட்டில் அவர் ஹீரோயின்; நான் டைரக்டர். ஒரு நாளும் அவர் இருக்கும் கேரவன் பக்கம் போனதில்லை. பாவனா எப்போதும் ப்ரொஃபஷனலா இருப்பார். டைம் மெயிண்டெயின் பண்ணுவார். அவரால் எந்த இடத்திலும் பிரச்னைகள் வந்தது கிடையாது. என்னுடைய ஸ்டைல், ஆர்ட்டிஸ்ட்டை நடிக்கச் சொல்லி எக்ஸ்பிரஷன் வாங்குவது. 

அப்படி பாவனா, கணேஷ் வெங்கட்ராம் என எல்லோரும் சிறப்பா பண்ணினாங்க. ஒரு பேட்டியில் அண்ணன் படம் பண்ணுவதில் நிறைய ஸ்பேஸ் கிடைச்சதா சொல்லியிருந்தார்.

என் தங்கச்சி என்பதால் சொல்லவில்லை. பாவனா ஆகச் சிறந்த நடிகை. அவருக்கு என்று தனித்துவமான திறமை உண்டு. எங்கள் வீட்டில் எல்லோரும் நேர்மையா விமர்சனம் பண்ணுவாங்க. மலையாளத்தில் சில படங்களில் பிச்சு உதறியிருப்பார்.

இது வருத்தமான விஷயம்ன்னு சொல்ல முடியாது. அவர் சின்ன வயசுலேயே, அதாவது பதினைஞ்சு வயசுல நடிக்க வந்தவர். அதனாலேயே இளம் வயதுக்குரிய ஃப்ரீடம், பிரைவசி இல்லாமல் போச்சு. மற்றபடி மன தைரியம் உள்ளவர். சொசைட்டியைப் பார்த்து பயப்படாதவர்.

குடும்பமா ஃபேஸ் பண்ணினோம். வெளியே இருக்கிறவர்களுக்கு அது செலிபிரிட்டிக்கு நடந்த நிகழ்வு. உள்ளுக்குள் நாங்கள் நார்மலான பீப்பிள். பாவனா மன தைரியம் உள்ளவர். என்னுடைய அம்மாவும் தைரியசாலி. தைரியம் இருந்ததால் எங்களால் பிரச்னையை ஃபேஸ் பண்ண முடிஞ்சது. இல்லையென்றால் நிலை குலைஞ்சு போயிருப்போம்.

எல்லோர் வாழ்விலும் ஏற்றம், இறக்கம் இருக்கும். அது எங்களுக்கும் நடந்துச்சு. இந்த இடத்துல பாவனாவின் கணவர் நவீன் ராஜன் பற்றி சொல்ல வேண்டும். இது அவர் தயாரிக்கும் ஐந்தாவது படம். அவரும் சில படங்களில் ஹீரோவா நடிச்சிருக்கிறார். ‘நாயகா’ நவீன் என்றால் கன்னட சினிமாவுல எல்லோருக்கும் தெரியும். குடும்பமா சேர்ந்து ‘த டோர்’ உருவாக்கியிருக்கோம்.