மார்க்கோ

சமீபத்தில் திரையரங்கு களில் வெளியாகி, வசூலை அள்ளிய மலையாளப்படம், ‘மார்க்கோ’. இப்போது ‘சோனி லிவ்’வில் தமிழ் டப்பிங்கில் காணக்கிடைக்கிறது. இளைஞன் விக்டருக்குக் கண் தெரியாது. அவனுடைய நெருங்கிய நண்பன் கொலை செய்யப்படுகிறான். 

அப்போது விக்டரும் அருகில் இருக்கிறான். கொலைகாரன் பயன்படுத்திய வாசனைத் திரவியம், டிபெண்டர் காரை வைத்து யார் கொலை செய்திருப்பார்கள் என்பதை விக்டரால் அடையாளம் காண முடியும். விக்டர் சொல்கின்ற அடையாளங்களை வைத்து காவல்துறையினர் கொலையாளி யார் என்பதை ஊகிக்கின்றனர்.

உஷாராகும் கொலைகாரன் விக்டரை கொடூரமான முறையில் கொலை செய்கிறான். விக்டரின் மரணத்தால் அவனது குடும்பம் நிலைகுலைந்து போகிறது. விக்டருக்கு நேர்ந்ததைப் பற்றி வெளிநாட்டிலிருக்கும் மார்க்கோவுக்குத் தெரிய வருகிறது. விக்டரின் மரணத்துக்குக் காரணமான ஒவ்வொருவரையும் பழிவாங்கப்போவதாக மார்க்கோ சபதம் எடுக்கிறான். 

விக்டருக்கும், மார்க்கோவுக்கும் என்ன உறவு? எடுத்த சபதத்தை மார்க்கோ முடித்தானா என்பதே மீதிக்கதை.அளவுக்கதிகமான வன்முறையால் கதை சொல்லப்பட்டிருப்பதால் குழந்தைகளுடன் பார்ப்பதைத் தவிர்க்கலாம். படத்தின் இயக்குநர் ஹனீஃப் அதேனி.

‘அமேசான் ப்ரைமி’ல் வெளியாகி, பார்வைகளை அள்ளிக்கொண்டிருக்கும் ஆங்கிலப் படம், ‘மை ஃபால்ட் : லண்டன்’. தமிழ் டப்பிங்கிலும் காணக் கிடைக்கிறது.

இச்சூழலில் இருவருக்கும் இடையில் பிரச்னை ஏற்படுகிறது. ஜோய் கிளம்பிவிடுகிறாள். இன்னொரு பக்கம் ஈதனின் அப்பாவுக்குக் கொரோனா தொற்று ஏற்படுகிறது. அப்பாவைப் பார்க்க போக வேண்டும் என்று நினைக்கிறான் ஈதன். 

அதற்குள்ளேயே அப்பா இறந்துவிடுகிறார். அப்பாவின் மரணம், ஜோயின் பிரிவு ஈதனை விரக்திக்கு தள்ளுகிறது. வேறொரு பெண்ணுடன் இரவில் தங்குகிறான் ஈதன். இது ஜோயிக்குத் தெரியவர நிச்சயதார்த்தத்தை நிறுத்துகிறாள். ஈதனும், ஜோயும் இணைந்தார்களா என்பதே மீதிக்கதை. ஒரு வித்தியாசமான, ஃபீல் குட் காதல் கதையைப் பார்க்க விரும்புபவர்களுக்கு நல்ல சாய்ஸ் இந்தப் படம். இதன் இயக்குநர் கேத்தி கார்சியா- சம்பனா.