சட்டவிரோதமாகக் குடியேறிவர்கள் என அண்மையில் அமெரிக்கா 104 இந்தியர்களை அவமானப்படுத்தி இந்தியாவுக்குத் திருப்பி அனுப்பியதை பலர் அறிந்திருக்கலாம். இதில் என்ன விசேஷம் என்றால் இந்த 104 பேரில் 33 பேர் குஜராத் மாநிலத்தைச் சேர்ந்தவர்கள் என்பதுதான். குஜராத் மாடல் என தூக்கத்தில்கூட உச்சரிக்கும் பாஜக, இதற்கு எந்த விளக்கமும் அளிக்கத் தயாரில்லை.

அதாவது இன்று குஜராத்திலிருந்து மேற்குலக நாடுகளுக்குச் செல்லும் நபர்கள் சட்டப்படி செல்வதற்குக்கூட கையில் பணமில்லா படு ஏழைகளாக இருக்கிறார்கள். இதனால்தான் அமெரிக்கா போன்ற நாடுகளுக்கு சட்டவிரோதமாகக் குடியேறுகிறார்கள் என்கிறார்கள். ஆம். குஜராத் மாடலில்தான் பரம ஏழைகளாக பெரும்பான்மையான மக்கள் வசிக்கிறார்களாம். புள்ளிவிபரங்கள் அப்படித்தான் முகத்தில் அறைகின்றன. 

‘அமெரிக்காவில் சட்டவிரோதமாகக் குடியேறியவர்களின் தொகை 67 ஆயிரத்து 391. இதில் குஜராத்திகள் மட்டுமே 41 ஆயிரத்து 330.

வீதம். இது மற்ற மாநிலங்களைவிட மிக அதிகம். இந்த ஏழைகளின் பொருளாதார நிலையையும் அவர்கள் படம் பிடித்துக் காண்பிக்கிறார்கள். 

எடுத்துக்காட்டாக, ஒப்பந்தமில்லாமல் வேலை செய்யும் உள்ளூர் குஜராத்திகளின் எண்ணிக்கை சுமார் 74 சதவீதம். ஆனால், தமிழ்நாடு இதில் 53 சதவிகிதம்தான். போலவே கர்நாடகா 51%, மத்தியப்பிரதேசம் 57%.