விஜய் சேதுபதி பாடல் எழுத... சித்தார்த் கூட சேர்ந்து பாடியிருக்கேன்!

கண்சிமிட்டுகிறார் காவாலா ஷில்பா ராவ்

இந்தியில் ‘ஜவேதா ஜிந்தகி...’ (அன்வர்), ‘அபச்சா...’ (கொஞ்சம் இஷ்டம் கொஞ்சம் கஷ்டம்) , ‘ஒரு மாலை நேரம்...’ ( நான் மகான் அல்ல) இப்படி மொழிக்கு ஒரு பாடலுடன் பாடகியாக அறிமுகமானவர் ஷில்பா ராவ். இப்போது 10க்கும் மேற்பட்ட மொழிகளில் பிஸி பின்னணி பாடகி.

‘ஜெயிலர்’ படத்தின் ‘காவாலா...’ பாடல் மூலம் தமிழகத்தையே கதிகலங்க ஆட வைத்து இதோ இப்போது ‘பன் பாட்டர் ஜாம்’ படத்தில் ‘ஏதோ பேசத்தானே...’ பாடலை நடிகர் சித்தார்த்துடன் இணைந்து பாட அதை மக்கள் செல்வன் விஜய் சேதுபதி எழுத இப்போது ஒரு மில்லியனைக் கடந்து டிரெண்ட்.

தமிழ், இந்தி, தெலுங்கு, கன்னடம், மலையாளம், குஜராத்தி... எப்படி இத்தனை மொழிகளில் பாடல்?

ஒவ்வொரு மொழியையும் அதன் அர்த்தம் புரிஞ்சு, அதன் நிலக் கலாசாரம் தெரிஞ்சுதான் பாடுவேன். முக்கியமா மொழியே தெரியலைன்னாலும் முதல்ல அதனுடைய பண்பாடு, கலாசார பொருள் தெரிஞ்சா, தானாகவே வார்த்தைக்குரிய எமோஷன் வந்திடும். அதைத்தான் ஃபாலோ செய்யறேன்.

உங்களைப் பற்றி.. ?