‘சார்பட்டா பரம்பரை’, ‘ஜிகர்தண்டா எக்ஸ்’, ‘போர்’ போன்ற படங்களில் நேர்த்தியான நடிப்பை வெளிப்படுத்தி தமிழ் சினிமாவில் தனக்கென ஒரு பாதையை உருவாக்கியவர் சஞ்சனா நடராஜன். ‘‘விஸ்காம் படிப்புதான் என்னை நடிகையாக்கியது...’’ எனும் சஞ்சனா இப்போது பா.இரஞ்சித் தயாரிப்பில் தினகர் இயக்கியுள்ள ‘பாட்டில் ராதா’வில் நடித்துள்ளார்.

இயக்குநர் தினகர், பா.இரஞ்சித் டீம் மட்டுமல்ல, அவருக்கு நெருங்கிய நண்பர். ‘சார்பட்டா பரம்பரை’ பார்த்துட்டு இயக்குநர் தினகர் கூப்பிட்டார். கதையைக் கேட்டதும் என் மனசுல பளிச்சுன்னு ஒட்டிக்கிட்ட விஷயம் மதுவுக்கு அடிமையான ஒருவரின் லைஃப் எப்படி டிராவலாகும் என்பதுதான். 

அதேசமயம் இந்தப் படம் மதுவால் ஏற்படும் விளைவுகளை மட்டும் பேசும் சோகப் படமும் கிடையாது.மதுவுக்கு அடிமையான ஒருவர் தன்னை மாற்றிக் கொள்ளும்போது எப்படி கன்ட்ரோல் பண்ணிக்க முடியும் என்பதுதான் படம். மதுவுக்கு அடிமையானவர்களைச் சுற்றியுள்ளவர்களின் போராட்டத்தையும் படம் தெளிவாகப் பேசும்.

அப்படியொரு மனநிலையில் இருந்த எனக்கு இந்தக் கதையைக் கேட்டதும் இது மக்களுக்கு கண்டிப்பா போய்ச் சேர வேண்டிய ஸ்கிரிப்ட் மட்டுமல்ல, அதைச் சேர்க்க வேண்டியது என்னுடைய பொறுப்புன்னும் தோணுச்சு.

இந்த மாதிரி கதை நான் சினிமாவுக்கு வந்த புதுசுல வந்திருந்தாலும் பண்ணியிருப்பேன். அஞ்சு வருஷத்துக்குப் பிறகும் பண்ணியிருப்பேன். தினகர் சார் என் மேல நம்பிக்கை வெச்சு இந்த வாய்ப்பு கொடுத்ததை பெரிய பொறுப்பாக பார்க்கிறேன். நானும் இந்த மாதிரி கதைகளில் நடிக்கணும் என்பதை என்னுடைய கடமையாகவும் நினைக்கிறேன்.

ஒரு வழி இருக்கு. எனக்கு வரும் படங்களைத் தேர்வு செய்யும்போது அடுத்தடுத்த படங்களில் இது மாதிரி என்னை காண்பிக்க நினைக்கிறேன்னு தேர்வு செய்யலாம்.தனிப்பட்ட விதத்துல எனக்கும் டைப் காஸ்ட் பண்ணாம பரீட்சார்த்த முறையில் கேரக்டர்ஸ் பண்ணணும் என்ற ஆசை இருக்கு. அது ஃபிலிம் மேக்கர்ஸ் கையில் உள்ளது.

இதுவரை நான் செய்த படங்கள் எதுவுமே ஒரே மாதிரி இருக்காது. ‘பாட்டில் ராதா‘, ‘ஜிகர்தாண்டா’, ‘போர்’ என எல்லாமே வித்தியாசமான கேரக்டர்ஸ். ‘போர்’ல முற்றிலும் மாடர்ன் கேரக்டர். அந்தப் படத்துக்கும் ‘பாட்டில் ராதா’ படத்துக்கும் எந்த ஒற்றுமையும் இருக்காது. அதேசமயம் நடிகையாக கமர்ஷியல், சீரியஸ் என எந்த வேடம் கொடுத்தாலும் செய்ய ஆயத்தமா இருக்கிறேன்.