இன்று பலரும் பல நாட்டு உணவுகளைச் சுவைக்க ஆர்வமாக உள்ளனர். ‘யாதும் ஊரே யாவரும் கேளிர்’ என்பதில் உணவையும் சேர்த்துக் கொள்ளலாம். அந்தளவுக்கு பல்வேறு நாட்டு உணவகங்கள் இந்தியாவில் கடைவிரித்துள்ளன.போலவே இந்திய உணவகங்களும் மேற்கத்திய நாடுகளில் இருக்கின்றன. நாடு, மொழி, இனம் என எந்தப் பாகுபாடும் இல்லாமல் அனைத்து நாட்டு உணவுகளும் அனைவருக்கும் பிடித்தமானதாகிவிட்டது.

இந்நிலையில், ‘டேஸ்ட்அட்லஸ்’ என்கிற புகழ்பெற்ற பாரம்பரிய உணவிற்கான இணையதளம், 2024 - 25ம் ஆண்டில் உலகின் சிறந்த நூறு ரெஸ்டாரண்டுகளைப் பட்டியலிட்டுள்ளது. இதில் முதல் 15 இடங்களில் இந்தியாவைச் சேர்ந்த உணவகங்கள் இருப்பது அனைவரையும் ஆச்சரியப்படுத்தியுள்ளது.

கேரளாவின் கோழிக்கோட்டில் இருக்கிறது பாராகான் ரெஸ்டாரண்ட். இதனை 1939ம் ஆண்டு பி.எம் கோவிந்தன் என்பவர் தொடங்கினார். இது பிரியாணி மற்றும் கடல் உணவுகளுக்கு பிரபலமாக விளங்குகிறது. 

இந்த உணவகத்தின் ஐகானிக் என்பது பிரியாணிதான்.இதன் சுவைக்கு நிறைய வாடிக்கையாளர்கள் உள்ளனர். குறிப்பாக சிக்கன் பிரியாணியை பலரும் விரும்பி உண்கின்றனர். கடந்த 2023ம் ஆண்டு 11ம் இடத்தில் இருந்த இந்த உணவகம் இப்போது ஐந்தாம் இடத்திற்கு முன்னேறியுள்ளது என்றால் இதன் சுவையை அறிந்து கொள்ளலாம்.

மெக்ஸிகோ நகரில் இருக்கிறது இந்த உணவகம். 1912ம் ஆண்டு டான் டியோனிசியோ மொலினெடோ என்பவர் ஆரம்பித்தார். இங்குள்ள ‘என்சிலாடாஸ்’ என்ற உணவுப் பதார்த்தம் பலரால் விரும்பப்படும் ஒன்று.இந்த என்சிலாடாஸ் என்பது சோளத்தில் செய்யப்படும் டார்ட்டிலா எனும் ரொட்டியுடன் சிலி நாட்டின் சாஸ் சேர்க்கப்படுகிறது. 

பின்னர் அதனுடன் இறைச்சி அல்லது மீன் வகைகள் உள்ளே நிரப்பப்பட்டு அடுப்பில் சுடப்படுகிறது. பின்னர் ரோல் செய்யப்பட்டு வெங்காயம், பீன்ஸ், சீஸ் எல்லாம் வைத்து என்சிலாடாஸ் உண்பதற்குத் தரப்படுகிறது. இதற்கு நிறைய ரசிகர்கள் இருப்பதாகத் தெரிவிக்கிறது டேஸ்ட்அட்லஸ் இணையதளம்.

இந்தியாவின் கொல்கத்தா நகரில் இருக்கிறது பீட்டர் கேட் உணவகம். இங்கு பரிமாறப்படும் ‘செலோ கெபாப்’ உணவினை ரசனையுடன் தேர்ந்தெடுக்கின்றனர் வாடிக்கையாளர்கள். காரணம், அவ்வளவு சுவை கொண்ட உணவு என்கின்றனர்.கடந்த ஐம்பது ஆண்டுகளாக இந்த உணவு அங்கே பரிமாறப்பட்டு வருகிறது. 

இது ஈரானிய உணவு வகையாகும். ஒரு தட்டில் சோறுடன் வெண்ணெய் திட்டுகள், அரைத்த இறைச்சியைக் கொண்டு செய்யப்படும் ஷீக் ெகபாப், மட்டன் கெபாப், முட்டை ஆகியவை சேர்த்து தரப்படுகிறது.

மேற்கு மெக்ஸிகோவில் உள்ள குவாடலஜாரா நகரில் இருக்கிறது இந்த கர்னே கரிபால்டி சாண்டா தேரே உணவகம். இங்கு பாரம்பரியமான மெக்ஸிகோ உணவாக ஜொலிக்கிறது கார்னே என் சு ஜூகோ எனும் பதார்த்தம். வாயில் நுழையாத பெயர்தான். 

இதற்கு அர்த்தம் மாட்டிறைச்சி சூப் என்பதாகும்.இந்த சூப்பில் சிறிது பூண்டு, வெங்காயம், பன்றி இறைச்சி உள்ளிட்டவையும் சேர்க்கப்படுகிறது. இந்த சூப் முதன்முதலாக 1950களில் தயாரிக்கப்பட்டதாகச் சொல்லப்படுகிறது. அன்றிலிருந்து இப்போதுவரை இதனை பலரும் ரசித்து குடித்து வருகின்றனர். இது டேஸ்ட்அட்லஸில் 9வது இடம் பிடித்துள்ளது.

ஸ்பெயினின் மலாகா நகரில் இருக்கிறது பிம்பி உணவகம். ஒருகாலத்தில் மலாகா துறைமுகத்திற்கு வந்த படகுகளின் பணியாளர்களுக்கும், பயணிகளுக்கும் உதவிய மலாகா நகரின் பிரபலமான கதாபாத்திரமே பிம்பி.அதனை உருவகப்படுத்தும் விதமாக 1971ம் ஆண்டு உருவாக்கப்பட்ட இந்த உணவகத்திற்கு பிம்பி எனப் பெயரிடப்பட்டுள்ளது. இங்கு பிரிங்கா எனும் டிஷ் வெகுபிரபலம். 

இது ரோஸ்ட் செய்யப்பட்ட மாட்டிறைச்சி அல்லது பன்றி இறைச்சி கொண்டு தயாரிக்கப்படுகிறது. இதனுடன் மோர்சில்லா அல்லது சோரிஸோ சாஸ் சேர்க்கப்படுகிறது. இந்த இறைச்சி பதமான சூட்டில் நீண்டநேரம் சமைக்கப்படுவதே இதன் சுவைக்குக் காரணமாக இருக்கிறது.