ஹாலிவுட் 2025

ஹாலிவுட்டிலிருந்து வெளியாகும் படங்களுக்கு எப்பவுமே தனி மவுசு. 2024ல் வெளியான ஹாலிவுட் படங்கள் பெரும்பாலும் தோல்வியைத்தான் சந்தித்தன. அதை ஈடுகட்டும் அளவுக்கு இந்தப் புது வருடம் ஹாலிவுட்டுக்கு நன்றாகத்தான் இருக்கும் என்பதற்கு 2025ல் வெளிவரக் காத்திருக்கும் இப்படங்களே சாட்சி.

*அவதார் : ஃபயர் அண்ட் ஏஷ்திரைப்பட வரலாற்றில் மிகப்பெரிய பாய்ச்சலை உண்டாக்கிய படம், ‘அவதார்’. இப்படம் வெளியாகி 15 ஆண்டுகளாகிவிட்டன. ஆனாலும், உலகளவில் அதிக வசூலைக் குவித்த படங்களின் பட்டியலில் ‘அவதார்’தான் முதலிடத்தில் இருக்கிறது. இந்தப் படத்தின் வெற்றியைப் பொறுத்து, இரண்டாம் பாகத்தை எடுப்பதாக அறிவித்திருந்தார் இயக்குநர் ஜேம்ஸ் கேமரோன். ‘அவதார்’ மாபெரும் வெற்றியடைய, ‘அவதார்: த வே ஆஃப் வாட்டர்’ எனும் இரண்டாம் பாகத்தை எடுத்து, 2022ல்தான் வெளியிட்டார்.

இப்படமும் வசூலில் சக்கைப்போடு போட்டது. உலகளவில் அதிக வசூலைக் குவித்த படங்களின் பட்டியலில் மூன்றாம் இடத்தில் உள்ளது இப்படம். இரண்டாம் பாகம் எடுக்கும்போதே, மூன்றாம் பாகமான ‘அவதார் : ஃபயர் அண்ட் ஏஷ்’ஷின் படப்பிடிப்பையும் நடத்திவிட்டார் ஜேம்ஸ். ரூபாய் 2000 கோடிக்கும் அதிகமான பொருட்செலவில் உருவாகியிருக்கும் இப்படம், உலகம் முழுவதும் இந்த ஆண்டு டிசம்பர் 19ம் தேதி வெளியாகிறது.

‘அவதார்: ஃபயர் அண்ட் ஏஷ்’ வெளியாக இன்னமும் இவ்வளவு நாட்கள்தான் இருக்கின்றன. ரசிகர்கள் தினமும் நாட்களை எண்ண ஆரம்பித்துவிட்டனர்.
இந்தப் புது வருடத்தில் திரைப்பட ரசிகர்கள் ஆவலுடன் எதிர்பார்த்துக் காத்துக்கொண்டிருக்கும் படம் இதுவாகத்தான் இருக்கும்.

*ஹவ் டு டிரெய்ன் யுவர் டிராகன்

சில வருடங்களுக்கு முன்பு வெளியாகி, வசூலைக் குவித்த அனிமேஷன் படம், ‘ஹவ் டு டிரெய்ன் யுவர் டிராகன்’. இதன் லைவ் - ஆக்‌ஷன் ரீமேக்தான் இந்தப் படம். ‘டிரீம்வொர்க்ஸ்’ நிறுவனத்தின் முதல் ரீமேக் மற்றும் முதல் லைவ்- ஆக்‌ஷன் படமும் இதுதான். டிராகனை வேட்டையாடுவதற்காகச் செல்லும் வைக்கிங் இனத்தைச் சேர்ந்த இளைஞனுக்கும், டிராகனுக்கும் இடையில் ஏற்படும் நட்புதான் படத்தின் மையம். வருகிற ஜூன் 13ம் தேதி வெளியாகிற இப்படத்தை டீன் டெப்லாயிஸ் இயக்கியிருக்கிறார்.

*ஜூடோபியா 2

சிறந்த அனிமேஷன் படத்துக்கான ஆஸ்கர் உட்பட ஏராளமான விருதுகளை அள்ளிய அனிமேஷன் படம், ‘ஜூடோபியா’. இதன் இரண்டாம் பாகம் இது. ‘படி காப்’ என்ற வகைமையில் முக்கியமான அனிமேஷன் படமாக ‘ஜூடோபியா’ கருதப்படுகிறது. ‘படி காப்’ வகைமைப் படங்களில் முன்னுக்குப் பின் முரணான ஆளுமையைக் கொண்ட இரண்டு பேர் சேர்ந்து ஒரே வேலையில் ஈடுபடுவார்கள்.

அவர்கள் போலீஸாகவோ அல்லது துப்பறிவாளர்களாகவோ இருப்பார்கள். இரண்டு பேரும் சேர்ந்து குற்றவாளிகளைக் கண்டுபிடிப்பார்கள். ‘ஜூடோபியா 2’விலும் இரண்டு வித்தியாசமான ஆளுமைகளைக் கொண்ட துப்பறிவாளர்கள் சேர்ந்து ஆபத்தான ஒரு வழக்கை விசாரிப்பதுதான் கதை. வரும் நவம்பர் 26ம் தேதி வெளியாகிறது.

*மைக்கேல்