தலைவர் 170!

‘ஜெய் பீம்’ மூலம் அதிர்வலையை உருவாக்கிய இயக்குநர் த.செ.ஞானவேல் அடுத்து ரஜினியை வைத்து பெயரிடப்படாத ‘தலைவர் 170’ படத்தை இயக்கி வருகிறார். ‘லைகா ப்ரொடக்‌ஷன்ஸ்’தான் இப்படத்தையும் தயாரிக்கிறது.‘அந்தா கானூன்’, ‘கிராஃப்தார்’, ‘ஹம்’ என இந்திப்படங்களில் ரஜினி அமிதாப் பச்சனுடன் இணைந்து நடித்திருந்தார்.

அதற்குப் பிறகு ரஜினி தமிழ்ப்படங்களில் மட்டும் நடிப்பதில் கவனம் செலுத்தினார். இந்த இரண்டு சூப்பர் ஸ்டார்களும் இணையும் வாய்ப்பை ‘தலைவர் 170’ உருவாக்கி இருக்கிறது.
இதனால், நீண்ட இடைவெளியாக 32 ஆண்டுகளுக்குப் பிறகு, ரஜினியுடன் அமிதாப் பச்சனும் இணைந்து நடிக்கிறார்.

என்கவுண்டருக்கு ஆதரவான கதைக்களத்தில் இப்படத்தின் திரைக்கதை உருவாக்கப்பட்டுள்ளதாக தகவல் வெளியாகி இருக்கிறது.இப்படத்தில் மலையாள நடிப்பு அரக்கன் ஃபஹத் ஃபாசிலும் இணைந்திருக்கிறாராம். இவருக்கு முக்கியமான கதாபாத்திரம் என்றும் தெரிய வந்திருக்கிறது.இப்போது சென்னையில் ரஜினி மற்றும் ஃபஹத் ஃபாசில் சம்பந்தப்பட்ட முக்கியமான காட்சிகளை இயக்குநர் த.செ.ஞானவேல் ஷூட் செய்து வருகிறார்.