சிறுகதை - மாய வலை

ராகவனின் போன் ஒலித்தது. எடுத்து நம்பர் பார்த்தார். புது நம்பராக இருந்தது. யாராக இருக்கும் என்கிற யோசனையுடன் ஆன் பண்ணி காதில் வைத்து “ஹலோ...’’ என்றார்.
“அங்கிள் நா ரேவதி சன் பேசுறேன்...’’
“எந்த ரேவதி..?’’

“உங்களுக்கு எத்தனை ரேவதிய தெரியும்..?’’
அவருக்கு கோபம் வந்தது. “எனக்கு எந்த ரேவதியையும் தெரியாது...’’ என போனை கட் பண்ணப் போனார்.“அங்கிள் கட் பண்ணிடாதிங்க... உங்க சிஸ்டர் ரேவதியோட சன்தான் பேசுறேன்...’’அவர் ஒரு நிமிடம் தடுமாறிப் போனார். ரேவதியைப் பிரிந்து எத்தனை ஆண்டுகள் ஆகிறது? அவள் உயிரோடு இருக்கிறாளா இல்லையா என்பது கூடத் தெரியாமல் இருந்ததே. தயக்கத்துடன் “சொல்லுப்பா... என்ன விஷயம்..?’’ என்றார்.

“மம்மியும் டாடியும் உங்கள பாக்குறதுக்கு வர்றதா இருக்காங்க. எப்ப வந்தா உங்களுக்கு சௌகரியமா இருக்கும்ன்னு சொன்னிங்கன்னா, அந்த தேதில அனுப்பி வைப்பேன்...’’
அவருக்கு என்ன பதில் சொல்வது என்று தெரியவில்லை. ஆத்திரப்படுவதா அல்லது சந்தோஷப்படுவதா என்றும் தெரியவில்லை.“என்ன அங்கிள் அமைதியா இருக்கிங்க..?’’“ஒண்ணுமில்ல... அவங்களுக்கு எப்ப சௌகரியப்படுதோ அப்ப வரச்சொல்...’’“ஓகே அங்கிள்... தேங்க்ஸ்...’’