‘‘முதல் 10 நிமிடங்கள் எந்த அளவுக்கு முக்கியத்துவம் கொடுத்து பார்க்க முடியுமோ பாருங்கள். அமைதியாக உட்கார்ந்து அந்தப் பத்து நிமிடங்களை முழுமையாக ரசிக்கணும்னு பார்த்து பார்த்து எடுத்திருக்கோம்... எனில் தாமதமாக்காமல் படம் ஆரம்பிப்பதற்கு முன் சீக்கிரம் வந்துவிடுங்கள்...’’ அழுத்தம் திருத்தமாகச் சொல்கிறார் இயக்குநர் லோகேஷ் கனகராஜ் .

நாங்கள் கதை எழுதத் துவங்கினப்ப என்ன கதை இருந்ததோ அதில் ஒரு வார்த்தை கூட நாங்க மாற்றம் செய்யவே இல்லை. அதேபோல் எனக்குக் கிடைத்த நடிகர்களும் கூட எனக்கு என்ன தேவையோ அதை அற்புதமா செய்து கொடுத்தாங்க.  

‘மாநகரம்’ செய்யும் பொழுது சந்தீப் கிஷான் மற்றும் ஸ்ரீ ரெண்டு பேருடனும் எப்படி வேலை செய்தேனோ அதே மனநிலையில்தான் இந்த நடிகர்கள் கூடவும் வேலை செய்தேன்.  படத்தின் கதைக் கரு என்னனு புரிஞ்சுகிட்டு அவங்களும் எனக்கு என்ன தேவையோ அதை செய்து கொடுத்தாங்க.

‘ஒய் பாய்ஸ் ஹேவ் ஆல் ஃபன்...’ இந்த வரிகள் மேல எனக்கு நம்பிக்கை அதிகம். பொண்ணுன்னா இப்படித்தான் இருக்கணும் என்கிற டெம்ப்ளேட்டை உடைக்கணும்னுதான் நான் நினைப்பேன். அதனால் பொதுவாகவே மென்மையான, அமைதியான, தென்றல் மாதிரி இதெல்லாம் எனக்கு செட் ஆகாது. 

அதற்காக காதல், ரொமான்ஸ்... இதெல்லாம் எனக்கு செட்டாகாதுனு இல்லை. வீட்டில் ஓய்வு நேரம் கிடைச்சா நான் பார்க்கிறதே ரொமான்டிக் படங்கள்தான். மணிரத்தினம் சார் படங்கள் எல்லாம் அவ்வளவு விரும்பிப் பார்ப்பேன்.

ஒரே மாதிரியான எண்ண அலைகள்தான் காரணம். அவர் இசை மேலயும் அவர் வேலை மேலயும் எனக்கு அதீத நம்பிக்கை உண்டு. கான்செப்ட் சொல்லிட்டோம், அவ்வளவுதான்...எப்படி படத்தை இயக்குவதுனு எனக்கு யாராவது சொல்லிக் கொடுத்தா எப்படி பிடிக்காதோ அதே மாதிரி இப்படி இசையமைக்கணும்னு ஓர் இசையமைப்பாளருக்கு நாம சொல்லத் தேவையில்ல.

‘இதைத்தான் மக்களுக்குக் காட்டணும்’னு உறுதி செய்யத்தான் சென்சார் போர்டு இருக்கு. ‘லியோ’ படத்துக்கான சென்சார் சர்டிபிகேட் ஏற்கனவே வெளியாகிட்டது. அதிலும் ‘லியோ’வைப் பொருத்தவரை 40 விநாடிகள்தான் கட் கொடுத்திருக்காங்க. அது பெரிய நஷ்டம் எல்லாம் கிடையாது. அதே வெர்ஷன்தான் ஓடிடியிலும் வெளியாகும்.

என்னுடைய கதையை நான் எழுதுவதே மல்டி ஸ்டார் என்கிற கான்செப்டில்தான். என்னுடைய முதல் படமான ‘மாநகர’த்திலேயே அத்தனை கேரக்டர்கள் இருப்பார்கள். அதேபோல் தேவையில்லாமல் வெறுமனே பட்டியலுக்காக கலைஞர்களை காட்சியில் பயன்படுத்துவதும் எனக்குப் பிடிக்காது. 

படத்தின் கடைக்கோடி நடிகன் வரை எந்த அளவுக்கு முக்கியத்துவம் கொடுக்கணுமோ அப்படித்தான் கதை எழுதுவேன். அதேமாதிரி கதை எழுதும் பொழுது இந்த ஆர்ட்டிஸ்ட்னு முடிவு செய்து எழுதுவதே கிடையாது. ஒரு பெரிய ஸ்டார் வந்துட்டதால கதையில் மாற்றம் செய்கிற பழக்கமும் எனக்கு கிடையாது.

அந்த சந்திப்பு திடீர்னு நடந்ததுதான். இதற்கு முன்பு கூட ரஜினி சார் கூட நிறைய முறை பேசி இருக்கேன்; சந்திச்சிருக்கேன். அப்ப எதுவும் நடக்கலை. ‘லியோ’ படத்தின் வேலைகளில் இருந்தப்ப அனிருத் கிட்ட ஒரு கதை சொன்னேன். ‘ப்ரோ... இது ரொம்ப நல்லா இருக்கு... தலைவர் செய்தா மாஸாக இருக்கும்’னு சொன்னார்.

‘நல்லாதான் இருக்கும்... ஆனா, எப்படி...’னு நான் யோசிச்ச அடுத்த கனமே அனிருத் போன் செய்து அப்பாயிண்ட்மெண்ட் வாங்கிக் கொடுத்துட்டார். கதையைக் கேட்டவுடன் தலைவர் உடனே ஓகே சொல்லிட்டார். ‘என்னப்பா... அப்பாயின்ட்மென்ட் கேட்டீங்க... அதுக்குள்ள கதை ரெடியா’னு கேட்டார்.