‘தில்லாலங்கடி’ படத்தில் தமன்னாவின் தங்கையாக சினிமாவிற்குள் என்ட்ரீ, ‘மாமா டவுசர் கிழிஞ்சிச்சு...’ என ஜாலி கேலியாக ‘சூது கவ்வும்’ படம் மூலம் தமிழ் சினிமா நெஞ்சங்களைக் கவ்விக் கொண்ட கண்மணி சஞ்சிதா ஷெட்டி.

பத்து வருடங்களுக்கு மேல் சினிமாவில் தனக்கென தனி இடத்தைப் பிடித்து இப்போது முழுக்க முழுக்க எந்த மேக்கப்பும் இன்றி கிராமத்து அழகியாக ‘அழகிய கண்ணே’ படத்தில் நடித்திருக்கிறார். ‘‘ஐ’யம் லக்கினுதான் நினைக்கிறேன். இப்பவும் எனக்குன்னு ஒரு இடத்தை தமிழ் சினிமாவும்,  தமிழ் ரசிகர்களும் கொடுத்திருக்காங்க...’’ புன்னகைக்கிறார் சஞ்சிதா.

இந்த வருஷம் மூணாவது படம் தியேட்டரில் ரிலீஸ் ஆயிருக்கு. 15 புது இயக்குநர்கள் கூட வேலை செய்திருக்கேன். அதனாலேயே ஒவ்வொரு படமும் ஒரு பாடமாதான் இருந்துச்சு. எல்லாமே பயிற்சிகள், அனுபவங்கள்.

மோகன்ராஜா சார், நலன் குமாரசாமி சார், வெங்கட் பிரபு சார், சமுத்திரக்கனி சார் இப்படியான இயக்குநர்கள் கிட்டே வேலை செய்யும்போது சினிமாவின் இன்னொரு அழகியலைக் கத்துக்க முடிஞ்சது. இதோ இப்ப அமீர் சார் கூட அடுத்த படம். என்னைப் பொறுத்தவரை ஒவ்வொரு படமும் எனக்கு ஒரு பாடம்தான்.

ஆக்சுவலி என்னுடைய ரியாலிட்டி லுக் அதுதான். வீட்டில் கூட சல்வார், சேலை இப்படித்தான் இருப்பேன். இந்தப் படத்தில் மேக்கப்பே எனக்கு கிடையாது. நான் நானாகவே நடிச்சிருக்கேன். படம் முழுக்க என் கேரக்டரும் ரொம்ப முக்கியத்துவமா நகரும். கையிலே ஆறு மாசக் குழந்தையை வெச்சிட்டே அழணும், சிரிக்கணும். குழந்தைய தூக்கவே நிறைய பயிற்சி எடுத்துக்கிட்டேன்.

அந்த விஷயத்தில் நான் ரொம்ப லக்கி.

ஆரம்பமே ‘தில்லாலங்கடி’ மாதிரியான ஒரு படம், தொடர்ந்து ‘சூது கவ்வும்’, ‘பீட்சா 2’, இதோ இப்ப ‘அழகிய கண்ணே’ படம் வரையிலும் ஒரு அங்கீகாரம் கிடைச்சிருக்கு. நாங்க எங்களை நிரூபிக்கறதுக்கான காலமும் ரொம்பக் கம்மி. இதற்கிடையிலே சர்ச்சை, பிரச்னைகள் எல்லாத்தையும் சந்திச்சு ஓடணும். நடிகைகள் வாழ்க்கை அவ்வளவு ஈஸி கிடையாது.