சினிமா எனும் ஊடகத்தை பொழுதுபோக்குக்காக மட்டுமல்லாமல் சமூக மாற்றத்துக்கானதாகவும் பார்க்கும் வெகு சில இயக்குநர்களில் மிக முக்கியமானவர் இயக்குநர் மாரி செல்வராஜ்.

அந்த வரிசையில் உதயநிதி ஸ்டாலின் உடன் இணைந்திருக்கும் ‘மாமன்னன்’ மிகுந்த எதிர்பார்ப்புகளை உண்டாக்கியுள்ளது என்பதை டிரைலருக்கான வரவேற்பு சொல்லாமல் சொல்லியுள்ளது.

கதைக்கு வலுவான தலைப்பு தேவைப்பட்டுச்சு. என்னுடைய முந்தைய படங்களான ‘பரியேறும் பெருமாள்’, ‘கர்ணன்’ போன்ற படங்களுக்கான தலைப்பு கதைக்கான பொருத்தத்தோடு இருந்திருக்கும்.‘மாமன்னன்’ பொறுத்தவரை அதிகாரத்தைக் குறிக்கும் ஒரு பெயராக இருக்கணும் என்ற அடிப்படையில் வைக்கப்பட்ட தலைப்பு. வழக்கம்போல் இந்தப் படமும் சமூக நீதி பேசும் படமாக இருக்கும். நிச்சயமாக எளிய மனிதர்களின் வாழ்வியல் போராட்டங்கள், மனவேதனை, அவர்களுக்கும் அதிகாரத்துக்குமான இடைவெளி என எல்லாவற்றையும் படம் பேசும்.

நான் சொன்ன கதை அவருக்கு பிடிச்சது. எனக்கிருக்கும் அரசியல் புரிதலைப் பற்றி அவருக்குத் தெரியும். அதனால், அவரும் கதையை உள்வாங்கும் விதத்திலும், கதையைப் புரிந்து கொள்வதிலும் எந்தவித சிக்கலும் இல்லாமல் இருந்துச்சு.

நடிகர், சட்டமன்ற உறுப்பினர், அமைச்சர் என பல தளங்களில் இயங்கிவரும் அவர் கதையின் தன்மையை முழுமையாகப் புரிந்துகொண்டது என்னுடைய வேலையை சுலபமாக்கியது. அந்த புரிதல் மூலம் கதையில் இருக்கும் எமோஷனல், கேரக்டர்களை உள்வாங்கும் விதம் என எல்லாவற்றையும் எளிதாக்கியது.

நானும் சமரசம் செய்யவில்லை. அவரும் சமரசம் செய்யுமளவுக்கு கொண்டு வரவில்லை. இது மாரிசெல்வராஜ் படமாகவே வரட்டும்னு சொல்லிட்டார். நான் கதையில் என்னவெல்லாம் யோசிச்சு வெச்சிருந்தேனோ அதையெல்லாம் உதய் சார் ஏற்றுக்கொண்டார்.

ஒரு படைப்பாளியாக, சினிமாவில்  எல்லாத்தையும் காண்பிக்க வேண்டும் என்ற ஆசை இருக்கும். ஆனால், கதைக்கு என்ன தேவை, வெகுஜன மக்களுக்கு எதை காட்சிப்படுத்த வேண்டும் என்ற தெளிவு இருப்பதால் ஒரு இயக்குநருக்கு என்று இருக்கும் கட்டுப்பாட்டுடன் அரசியல் சார்ந்ததாக இருந்தாலும் சரி, விஷுவல்ஸாக இருந்தாலும் சரி எல்லாமே வரைமுறைக்குள்தான் இருக்கும்.

ஒரு இயக்குநராக அவரிடம் நடிப்பை வாங்குவதில் எந்தவித பிரச்சனையும் இருந்ததில்லை. எல்லாத்தையும் கரெக்ட்டா ஹேண்டில் பண்ணினார். மற்ற படங்களைவிட இதில் அதிகமா மெனக்கெடல் போட்டு நடிச்சார்.

அவருடைய உழைப்பு, கால்ஷீட், ஒத்துழைப்பு, அர்ப்பணிப்பு,  எனக்கான சுதந்திரம் கொடுத்தது... என அவர் எடுத்துக்கொண்ட முயற்சி அதிகம். உதயநிதி என்றால் இப்படித்தான் நடிப்பார் என்ற பிம்பத்தை அவர் முந்தைய படங்களிலேயே உடைத்திருப்பார். இதுல அது முழுமை அடைஞ்ச மாதிரி இருக்கும்.  

அதை மக்கள்தான் முடிவு பண்ணணும். இயக்குநரும், நடிகரும் சேர்ந்து பேசி இப்படி பண்ணினால் நல்லா இருக்கும்னு பண்ணிய படம் இது. எது ப்ளஸ், எது மைனஸ் என்று முடிவெடுக்கும் உரிமை ரசிகர்கள் கையில்தான் உள்ளது.ஒடுக்கப்பட்ட மக்களுக்கு பெரியார் ஒன்றும் செய்யவில்லை எனும் உங்கள் கருத்து இந்தப் படத்திலும் இடம் பெறுமா?

‘மாமன்னன்’ சேலத்தில் நடக்கும் கதை. இது வேறு ஒரு அடையாளத்துடன் இருக்கும். நீங்கள் கேட்கும் கேள்விக்கு படத்துல விரிவான பதில் இருக்கு.

அது அவர் ஜாலிக்காகச் சொன்னது. இது டீம் ஒர்க். படம் நல்லா வரணும்னு எல்லோரும் ஒரேவித மனநிலையில் வேலை செய்தோம். அவர் என்னை நம்பி வந்திருக்கிறார். அந்த நம்பிக்கையைக் காப்பாற்ற வேண்டிய பொறுப்பு எனக்கு இருக்கு. உதய் சார் நடிகராக மட்டுமல்ல, அமைச்சராக பொதுவாழ்க்கையிலும் பரபரப்பாக இயங்கக் கூடியவர்.

அவருக்கு என்று பல பொறுப்புகள், கடமைகள் உண்டு. சினிமா நடிகராக மட்டும் இருந்திருந்தால் அவருக்கு கூடுதலாக படமாக்குவது பெரிய விஷயமாக இருந்திருக்காது. சினிமா, அரசியல் என மாறி மாறி இயங்குவதால் பயணங்கள், கடமைகள் காரணமாக அவருக்குள் இப்படியொரு மனநிலை ஏற்படுவது இயல்பானது.

இப்படித்தான் இருக்கும் என்ற பார்வையில் பிற்போக்குத்தனம் இருக்காது என்ற முடிவுக்கு வந்தால் அதில் எனக்கு சம்மதமே. என்னுடைய படங்களில் பிற்போக்கு விஷயங்கள், அவசியமற்ற விஷுவல்ஸ் இருக்காது. சமூகத்தை பின்னோக்கிக் கொண்டு செல்லும் கண்ணோட்டம் இருக்காது என்ற முடிவுக்கு வந்தால் அதுல எனக்கு மாற்றுக் கருத்து கிடையாது.

ரசிகர்களுக்கு வடிவேல் சாரின் பங்களிப்பு வியப்பூட்டும் அனுபவமாக இருக்கும். இயக்குநராக எனக்கும் பல ஆச்சர்யங்கள் கொடுத்தார். நடிகராக அவர் தரும் அவுட்புட் அதிகம். எவ்வளவு சவாலான காட்சிகளாக இருந்தாலும் மிக எளிமையாக செய்கிறார். பகத் பாசில் மாதிரி டிரெண்ட்ல உள்ள இளம் நடிகருடன் சேர்ந்து நடிக்கும்போது அதை சமன்படுத்தி நடித்தது அருமை.

என் தயக்கத்தை எளிதாக்கி, அவருடன் நெருக்கமாக பழகும்படி செய்தபிறகே வேலையை ஆரம்பிச்சார். அவரின் அந்த அப்ரோச் மனதைத் தொட்டது. அவர் லெஜண்டாக இருந்தாலும் இயக்குநரிடம் ஒரு வார்த்தை கேட்பார். அதுதான் அவரிடம் எனக்கு பிடிச்சது. ஒளிப்பதிவாளர் தேனி ஈஸ்வர். ‘கர்ணன்’, ‘வாழை’ சேர்ந்து பண்ணினோம். 

இது மூன்றாவது படம் என்பதால் எங்கள் புரிதல் எப்படி இருக்கும்னு சொல்ல வேண்டியதில்லை.‘வாழை’ எப்போது சாகுபடி?படப்பிடிப்பு முடிந்தது. இந்த வருட கடைசியில் வெளியீடு. துருவ் விக்ரம் படம் செப்டம்பர் மாதம் தொடங்குகிறது. அது முடிந்ததும் தனுஷ் சார் படம்.