பிரைல் எழுத்து அவசியம் இல்லை; செல்ஃபோன் திரையே போதும்!

அரசுத் தேர்வுக்குத் தயாராகும் பார்வையற்ற மாற்றுத்திறனாளிகள்

அவர்கள் செல்ஃபோன் வைத்துத்தான் தொடுதிரையில் விரல் வைத்து நோண்டிக் கொண்டிருந்தார்கள். கூடவே காதில் வாக்மேனும். அத்தனை பேரும் பார்வையிழந்த மாற்றுத் திறனாளிகள். அவர்கள் நெல்லை, தூத்துக்குடி, கன்னியாகுமரி, நாகர்கோயில், மதுரை, ஈரோடு, சேலம், தர்மபுரி என்று தமிழகத்தின் சகல மாவட்டங்களிலிருந்து யாருடைய துணையுமின்றி, தாமே பேருந்துகள் ஏறி பயணித்து கோவை வந்து ஹாஸ்டலில் தங்கி குரூப் 1, குரூப் 2, குரூப் 3 மட்டுமல்ல, ஐஏஎஸ் தேர்வுக்காகவும் படித்துக் கொண்டிருக்கிறார்கள் என்றால் ஆச்சர்யமாக இல்லை?