சாப்பிட மறக்கிறாரோ இல்லையோ... தூங்க மறக்கிறாரோ இல்லையோ... சமூக வலைத்தளங்களில் ரீல்ஸ் தட்டிவிட மட்டும் சமந்தா மறப்பதேயில்லை.அப்படிப்பட்டவர் கடந்த சில மாதங்களாகவே சோஷியல் மீடியாவில் மிஸ்ஸிங்.

அதுமட்டுமல்ல... படங்களில் அவர் நடித்து வருவதாகவும் ஷூட்டிங்கில் பிசியாக இருப்பதாகவும் கூட செய்திகள் கசியவில்லை.போதாதா? சமந்தாவுக்கு என்ன ஆச்சு... என கோலிவுட், டோலிவுட்டில் கேட்கத் தொடங்கிவிட்டனர். அவருக்கு இந்தப் பிரச்னை... அந்தப் பிரச்னை... யெஸ்... யெஸ்... சருமப் பிரச்னை... சிகிச்சை எடுக்க அமெரிக்கா சென்றிருக்கிறார்... என்றெல்லாம் வதந்திகள் எட்டுத் திக்கும் பரவின.

பொதுவாகவே ஜிம்மில் வெறித்தனமாக வொர்க் அவுட் செய்பவர்களுக்கு இப்பிரச்னை வரக்கூடும் என்கிறார்கள். அதாவது தொடர்ந்து வொர்க் அவுட் செய்பவர்கள், அதிலிருந்து மீள்வதற்கு அவசியமான அம்சங்களையும் செய்ய வேண்டும்.

இல்லாவிட்டால் மயோசிடிஸ் பிரச்னை வரலாம்.அடுத்து அதிகப்படியான மது மற்றும் போதை ஆகியவற்றாலும் கூட இப்பிரச்னை வர வாய்ப்புகள் உள்ளன. அதாவது அளவுக்கு அதிகமாக மது குடித்தாலோ, போதை ஏற்றிக்கொண்டாலோ ஆட்டோ இம்யூன் நிலை உண்டாகலாம் என மருத்துவ இதழ்கள் கூறுகின்றன.இப்படி காரணங்கள் சொல்லப்பட, சமந்தா விஷயத்தில் வொர்க் அவுட்டினால் ஆட்டோ இம்யூன் பிரச்னை உண்டாகியிருக்கக் கூடும் என்கிறார்கள்.

வொர்க் அவுட்டின்போது பல கிலோ எடையுள்ள டெட்லிஃப்ட்களை அசால்ட்டாக தூக்குவதை வழக்கமாக வைத்திருந்தார் சமந்தா.அதே நேரம் விவாகரத்து அவரை ரொம்பவே பாதித்திருக்கிறது என்கிறது அவருக்கு நெருங்கிய நட்பு வட்டம். இதனால் மன உளைச்சலில் சமந்தா இருந்து வந்ததாகவும் சொல்கிறார்கள்.

மற்றொரு பக்கம், இப்போது வெளியாக உள்ள ‘யசோதா’ படத்துக்காக அட்ரினலினை சுரக்க வைக்கும் ஆக்‌ஷன் காட்சிகளில் நடித்ததும், வருண் தவானுடன் நடிக்கும் வெப் சீரிஸுக்காக சண்டைக் காட்சிகளில் ரொம்பவே மெனக்கெட்டதும் முக்கிய காரணமாக இருக்கலாம் என்கிறார்கள்.

வொர்க் அவுட், ஆக்‌ஷன் காட்சிகளுக்கான ஷூட் என பிஸியாக இருந்த போது சமந்தாவுக்கு தசை பாதிப்புகள் ஏற்பட்டிருக்கலாம் என்றும் சொல்கிறார்கள். அதை சரியாக கவனிக்காமல் விட்டிருந்தால் கூட இப்படி தசைகள் செயலிழக்கும் வாய்ப்புகள் அதிகம்.சமந்தாவுக்கு மட்டும்தான் இந்த ஆட்டோ இம்யூன் பிரச்னையா என்றால், மருத்துவர்கள் ஒரு பட்டியலை நீட்டுகிறார்கள்.

பிரபல பாடகி செலேனா கோமெஸ், ஜிஜி ஹேடிட், லேடி காகா, நிக் ஜோனாஸ், சல்மான் கான்... என இந்தப் பட்டியல் நீள்கிறது.பதற வைக்கும் ஆட்டோ இம்யூன் பிரச்னையான மயோசிடிஸ் என்றால் என்ன?நம்முடைய உடலில் இருக்கும் நோய் எதிர்ப்பு சக்தி ஒருவேளை இன்ஃபெக்‌ஷனானால் மயோசிடிஸ் வரும் என்கிறார்கள் மருத்துவர்கள்.

தசைகளில் வலி, தசை வலுவிழந்து போவது, உட்காருவதில் சிரமம், உணவை விழுங்குவதில் சிக்கல் போன்ற பிரச்னைகள் எழலாம்.இரண்டாவதாக டெர்மடோமயோசிடிஸ்.இந்தப் பிரச்னையால் உடலில் தடிப்புகள் உண்டாகலாம். பொதுவாக பெண்களை இப்பிரச்னை வெகுவாகத் தாக்கும். சில நேரங்களில் குழந்தைகளையும் கூட இது பாதிக்கக்கூடும்.

இதன் அறிகுறிகள் பாலிமயோசிடிஸ் போன்று இருந்தாலும், சருமத்தையும் இது பாதிக்கக்கூடும். தசையில் வலி உண்டாவதற்கு முன்பாக, சிவப்பு, பர்ப்பிள், கருப்பு நிற தடிப்புகள் வரலாம். கன்னம், மூக்கு, இமைகளில் தடிப்புகள் உருவாகும். அதேபோல் முழங்கால் மூட்டு, மார்பின் மேற்பகுதி, இடுப்பு பகுதிகளில் இவை வரக்கூடும். இந்த தடிப்புகள் பார்ப்பதற்கு உகந்ததாக இருக்காது.