உச்சநீதிமன்றத்தின் 50வது தலைமை நீதிபதி இவர்தான்!

தலைமை நீதிபதியாகும் சந்திரசூட்

உச்சநீதிமன்றத்தின் 50வது தலைமை நீதிபதியாகப் பதவி ஏற்க இருக்கிறார் டி.ஒய். சந்திரசூட் என்னும் தனஞ்ஜெய ஒய். சந்திரசூட். அப்பா யெஸ்வந்த் விஷ்ணு சந்திரசூட் இதே நீதிமன்றத்தில் 78 முதல் 85 வரை தலைமை நீதிபதியாக இருந்தவர் என்பது குறிப்பிடத்தக்கது. தனஞ்ஜெய சந்திரசூட் தில்லியில் பொருளாதாரம், சட்டத்தில் இளங் கலைகளை முடித்தவர். பிறகு அமெரிக்காவின் ஹார்வர்டு சட்டப் பல்கலைக்கழகத்தில் சட்டத்துறையில் டாக்டர் பட்டம் பெற்றவர்.

பிறந்தது மும்பை என்பதால் படித்து முடித்ததும் மும்பை நீதிமன்றத்தில் 2000 முதல் 2013 வரை நீதிபதியாகப் பதவி வகித்தவர். பின்னர் 2013 முதல் 16 வரை அலகாபாத் உயர்நீதிமன்றத்தில் தலைமை நீதிபதியாகப் பதவி வகித்தார். 2016 முதல் உச்சநீதிமன்றத்தில் நீதிபதியாகச் செயல்பட்டு வந்தார். இப்பொழுது தற்காலிக தலைமை நீதிபதியான லலித்தின் பதவிக் காலம் முடியும் தருவாயில் அவரது சிபாரிசின் பேரில் தலைமை நீதிபதியாக சந்திரசூட் வரும் நவம்பர் மாதம் முதல் இந்தப் பொறுப்பை 2 வருடம் வகிக்கப் போகிறார்.