இந்தப் பெண்மணியை தெரிந்து கொள்ளுங்கள்!

இந்தப் பெண்மணி நீங்கள் அவசியம் தெரிந்துகொள்ளவேண்டியவர். நவீன மருத்துவ விஞ்ஞானத்தையும், குறிப்பாக நோய்த்தடுப்பு மருந்துகளையும் நிராகரிப்பவர்கள் மற்றும் மறுப்பவர்கள் அடிக்கடி சொல்லும் வாக்கியம் ‘உணவே மருந்து’ என்பது. சரி; உணவே மருந்து என்பதை நீங்கள் உண்மையிலேயே நம்பினால் அந்த உணவே கூட  விஷமாக மாறும் என்பதையும் நீங்கள் ஏற்றுக்கொள்ளவேண்டும்.

ஏனெனில் ஒரு மருந்தை அதன் குறிப்பிட்ட உபயோகத்தைத் தாண்டி பயன்படுத்தினால் அதுவே உயிரை எடுக்கும் விஷமாகும். இதுதான் அறிவியல். நவீன விஞ்ஞானத்துக்கும் சித்த மருத்துவத்துக்கும் அதுவே அடிப்படை.இன்றைய நவீன மருத்துவத்தில், வந்த நோயை குணப்படுத்துவது ஒரு பிரிவு என்றால் நோயே வராமல் தடுப்பது அடுத்த பிரிவு.

இந்த இரண்டிலுமே பக்கவிளைவுகள் இருக்கும் என்பதுடன், ஒரு சிகிச்சையோ தடுப்பு மருந்தோ, அதன் நன்மையின் அளவென்ன? அதனால் ஏற்படக்கூடிய பக்கவிளைவுகளின் பாதிப்புகளின் அளவென்ன? இந்த இரண்டில் எது அதிகம் என்பதை கணக்கில் எடுத்துக்கொண்டே மருத்துவர்கள் ஒரு சிகிச்சையையோ அல்லது தடுப்பு மருந்தையோ நோயாளிக்குத் தருவார்கள்.