உலகில் மிக நீண்ட காலமாக இயங்கி வரும் நிறுவனங்களில் பெரும்பாலானவை விவசாயத்தை அடிப்படையாகக் கொண்டவை; மக்களின் அடிப்படைத் தேவைகளைப் பூர்த்தி செய்பவை.

இதற்கு மிகச் சிறந்த உதாரணம், ‘கார்கில்’. அமெரிக்காவின் மிகப்பெரிய கார்ப்பரேட் நிறுவனமான ‘கார்கிலை’ நிர்வகிக்கும் குடும்பம், ‘கார்கில் குடும்பம்’ மற்றும் ‘கார்கில் - மேக்மிலன் குடும்பம்’ என்ற பெயர்களில் அழைக்கப்படுகிறது. அமெரிக்காவின் நான்காவது பணக்காரக் குடும்பம் இது.

6 வருடங்களாக தானியங்களை விற்பனை செய்ததில் கிடைத்த வருமானத்தை சேமித்து வைத்து, 1865ம் வருடம் ஒரு தானியக் கிடங்கை ஹானோவர் என்ற இடத்தில் நிறுவினார். அப்போது அவரது வயது 21. இந்த தானியக்கிடங்குதான் இன்று ‘கார்கில்’ நிறுவனமாக வளர்ந்திருக்கிறது.

இருந்தாலும் மின்னசோட்டாவிலேயே தேங்கிப் போகாமல் 1875ம் வருடம் விஸ்கான்சினுக்கு நகர்ந்தார். அங்கே அவருக்கு பிசினஸ் சம்பந்தமான நபர்களின் அறிமுகம் கிடைத்தது. பிசினஸை ஓரிடத்திலிருந்து இன்னொரு இடத்துக்கு நகர்த்த நகர்த்த அவருக்கான பிசினஸ் வாய்ப்புகள் பெருகிக்கொண்டே போயின.

விஸ்கான்சினில் தானிய வர்த்தகத்தைத் தாண்டி நிலக்கரி, மாவு, மரம் வெட்டுதல், தீவனம், எண்ணெய் வித்துக்கள் என பல வகைகளில் பிசினஸை விரிவாக்கினார். அத்துடன் நீர்ப் பாசனம், நிலம், பண்ணை, ரயில்பாதை அமைத்தல் என பல துறைகளில் முதலீடு செய்தார்.  

1976-ல் முழுமையாக நிர்வாகம் சிட்னியின் கைக்கு வந்தது. இவரது நிர்வாகத்தில் 10 பில்லியன் டாலராக இருந்த டர்ன் ஓவர் அடுத்த பத்து வருடங்களில் 33 பில்லியன் டாலராக உயர்ந்தது. 80களிலேயே உலகின் மிகப்பெரிய உணவு தானிய நிறுவனமாக ‘கார்கிலை’ வளர்த்தெடுத்தார் விட்னி.