பழங்களில் பிறந்தநாள் கேக்!

வண்ணங்களாலான கிரீம் கேக்குகளைப் பார்த்திருப்போம். ஆனால், உடல் ஆரோக்கியத்தை வலியுறுத்தி முழுக்க முழுக்கபழங்களைக் கொண்டே கேக் தயாரித்து விற்பனை செய்து வருகிறார் சென்னையைச் சேர்ந்த டில்லி முருகன். அதுவும் யாருக்கு பிறந்தநாளோ அல்லது மணநாளோ அவர்களின் புகைப்படத்தையும் அப்பழ கேக்கிலேயே அழகாக வரைந்து தருகிறார். இதனால், பழ கேக்கை பலரும் நாடி வருவதாகச் சொல்கிறார். பழங்களில் கேக் என்கிற கான்செப்ட் தமிழகத்தில் இதுவே முதல்முறை.  

‘‘இது பழங்களை மட்டுேம வச்சு கார்விங் மூலம் செய்ற கேக். இதுல எந்தவிதமான ரசாயனமோ, வண்ணங்களோ சேர்க்கறதில்ல. அப்புறம், இதை பதப்படுத்தியும் செய்றதில்ல. ஃப்ரெஷ்ஷா பண்ணித் தர்றேன். உடலுக்கு எவ்வித கெடுதலும் ஏற்படுத்தாத ஆரோக்கிய கேக் இது...’’ என உற்சாகம் பொங்க பேசுகிறார் டில்லி முருகன்.