காதல் சொல்லும் டிரெஸ்.. அன்பே அன்காரா!

‘நாங்க ரெண்டு பேரும் டீப்பா
லவ்வுறோம்...
எங்களை
யாராலும் பிரிக்க
முடியாது...’

இந்த வாக்கியத்தை இனி எந்த மொழியிலும் வெளிப்படையாகச் சொல்ல வேண்டாம். டிரெஸ் அணிந்தால் போதும்! யெஸ். ஒரே கலர் சிங்கிச்சா, சேம் டிசைன் கஜாகஜா! இது புதிதில்லை. சேம் டிசைன் குர்தாக்கள், சேலை - குர்தி காம்போக்கள், டி ஷர்ட்கள், காதலைச் சொல்லும் ‘மை குயின் - மை கிங்’ மாதிரியான வாசகங்கள் தாங்கிய உடைகள்... என காலத்துக்கு ஏற்ற படையெடுப்புகள் நிகழ்ந்திருக்கின்றன.

ஆனாலும் நம்மூர் பெண்கள் ஓரளவு ஆண்களுக்கு என்ன கலர் செட்டாகுமோ, என்ன டிசைன் போட முடியுமோ அதை மனதில் கொண்டுதான் இந்த ஒரே கலர் சிங்கிச்சாவை தேர்வு செய்கின்றனர். ஆனால், ஆப்பிரிக்க நாடுகளில் ஆண், பெண் இருவரும் தங்கள் காதலை பகிரங்கமாகச் சொல்ல கலர்ஃபுல் கலக்கல் காம்போ உடைகளைத்தான் தேர்வு செய்கின்றனர். அதிலும் இந்த அன்காரா கப்புள் உடைகளைக் கொண்டு காதலைக் கொண்டாடும் வழக்கத்தைப் பார்த்தால் நம்மூர் சிங்கிள் பசங்க முட்டை மந்திரித்து வைத்துவிடுவார்கள்!