சங்கம், சபை, சாலையென்று நிறுவி சாகாவரம் பெற்ற சாதனைகளைப் புரிந்தாலும் வள்ளலாருக்கு மனநிம்மதி இல்லாமல் போயிற்று.

வள்ளலாரின் காதுக்கு இந்த வதந்தி வந்தபோது மிகக் கடுமையாக வருந்தினார்.தன்னுடைய பெயரைப் பயன்படுத்தி மக்களை ஏமாற்றுகிறார்களே என்று வேதனையுற்றார்.மக்களுக்கு உண்மை நிலையை எடுத்துச் சொல்ல, ‘உலக அறிவிப்புப் பத்திரிகை’ என்கிற பெயரில் 08-09-1873 அன்று தனியாக ஒரு விளம்பரமே செய்தார்.

“ஞானசித்திபுரம் என்றும் உத்தரஞான சிதம்பரம் என்றும் பிரமாணிக்கப்படுகின்ற வடலூர் சத்திய ஞானசபைக்கு முக்கிய சம்பந்தம் உடையதாகி, அடுத்த கருங்குழி எல்லை மேட்டுக் குப்பத்தில் வழிபடப்படுகின்ற சித்தி வளாகத்தில் வந்திருக்கின்றவர்களும், வருகின்றவர்களும், வருபவர்களுமாகிய ஜனங்களுக்கு அறிவிப்பது.

மேல் குறித்த விடத்தில் இந்த மாதத்திற்கு அடுத்த புரட்டாசி மாதம் ஐந்தாம் தேதியில் அற்புத விளக்கம் நேரிடுவதாக ஓர் வதந்தி வழங்கப்படுகின்றது. அது கேள்விப்பட்டு நம்புதலோடு நீங்களும் நீர்களும் பொருள் வகையாலும் தேக வகையாலும் உழைப்பெடுத்துக் கொண்டு பின்பு நிட்டூரப்பட்டுக் கொள்ளுதல் வேண்டாம்.

அந்தக் கேள்வி உண்மை அல்ல. இவ்விடத்தில் அற்புதம் விளங்குவது மெய்யோ, பொய்யோ, இந்தக் காலமோ, எந்தக் காலமோ. ஆகலில், இந்த அறிவிப்பினால் ஜாக்கிரதையோடு உங்களுங்களுக்கு அடுத்த காரியங்களையோ அவைகளைச் செய்வீர்களாக.சிதம்பரம்இராமலிங்க பிள்ளை”என்று அந்த விளம்பரம் செய்யப்பட்டது.