லூசிஃபர்

மலையாளத் திரைப்பட வரலாற்றில் அதிக வசூலைக் குவித்த படம், ‘லூஃசிபர்’. அமேசான் ப்ரைமில் தமிழில் காணக்கிடைக்கிறது. முதலமைச்சர் இறந்துவிடுகிறார். அவர் இடத்தைப் பிடித்துவிட்டால் நம் ராஜாங்கம்தான் என்று முதலமைச்சருக்கு நெருக்கமான உறவுகள் சதித்திட்டம் தீட்டுகிறது. இதை முறியடித்து அறத்தை நிலைநாட்ட கிளம்பியவனின் கதைதான் இந்தப் படம்.

குரேஷி அப்ராமை சர்வதேச போலீஸ்  தேடிக்கொண்டிருக்கிறது. இதற்கிடையில் கேரளாவின் முதலமைச்சர் பிகேஆர். மர்மமான முறையில் இறந்துவிடுகிறார். அடுத்து யார் முதலமைச்சர் என்று கேரளாவே பரபரப்பாகிறது. பிகேஆரின் மகள் பிரியா, மருமகன் பாபி, அமெரிக்காவில் இருக்கும் மகன் ஜத்தின், கட்சியில் நீண்டகாலமாக இயங்கும் அனுபவசாலி வர்மா, சில ஆண்டுகளாக இருக்கும் இடமே தெரியாமல் இருந்த ஸ்டீபன் - இந்த ஐந்து பேரில் ஒருவர்தான் பதவிக்கு வரப்போகிறார் என்ற பேச்சு அடிபடுகிறது.