நீலநிற தேவதைகள்!

‘ஒய்ங்... ஒய்ங்...’ என்ற ஆம்புலன்ஸ் சத்தம் தோட்டத்தில் செடிகளுக்கு தண்ணீர் ஊற்றிக்கொண்டிருந்த சுந்தரின் காதுகளில் விழுந்தது.
இரண்டு நிமிடங்களில் அதன் சத்தம் மிக அருகாமையில் கேட்கவே என்னவென்று வெளியே வந்தவன் இரண்டு பேர் நீலநிற சட்டையில் கேட் அருகே வந்து நிற்பதைப் பார்த்தான்.“இங்க யாருங்க சுந்தர்?” என்றான் அதில் ஒருத்தன்.

“நான்தான் சுந்தர்... என்ன விஷயம்…” என்றான் லேசான கலவரத்துடன்.“சார்… கார்ப்பரேஷனிலிருந்து வரோம்... உங்களுக்கு கோவிட் பாசிடிவ்னு வந்திருக்கு...”அதிர்ந்தான் சுந்தர். ‘‘லேசா ஜுரம்னு டெஸ்ட்டுக்குக் கொடுத்தேன்... ஆனா, இப்ப ஒண்ணுமில்ல... ஐயாம் ஆல்ரைட். பாருங்க இப்ப கூட தோட்ட வேலையில்தான் இருக்கேன்...”‘‘சாரி சார்... அதெல்லாம் தெரியாது. உங்கள பிக்அப் பண்ணி மருத்துவமனையில் சேர்க்க ஆர்டர். கொஞ்சம் சீக்கிரம் கிளம்புறீங்களா…”