கொரோனாவிலிருந்து தப்பி வந்து கொஞ்சம் மூச்சு விட ஆரம்பித்திருக்கிறது கோலிவுட். கிட்டத்தட்ட ஐந்தரை மாத ஊரடங்குக்குப் பிறகு இந்த மாதம் (செப்டம்பர்) முதல் தேதியில் இருந்து படப்பிடிப்புக்கு க்ரீன் சிக்னல் கிடைத்திருப்பதால் மகிழ்கிறது தமிழ் சினிமா வட்டாரம்.

மத்திய, மாநில அரசின் வழிகாட்டுதல் நெறிமுறைகளின் படி படப்பிடிப்புகள் நடத்தப்படலாம் என அறிவித்த அடுத்த நாளே சிலர் படப்பிடிப்புக்கு கிளம்பியும் விட்டார்கள்.

ஹீரோக்களை விட குஷியானவர்கள் புரொடக்‌ஷன் ஆட்களும், லைட்மேன் உள்ளிட்ட தொழிலாளர்களும்தான். ‘‘ஷூட்டிங்ல எந்நேரமும் டென்ஷனோட பம்பரமா சுத்திச் சுத்தி வேலை பார்த்தது பெரிய விஷயமா தெரியல.

இந்த ஐந்தரை மாசம் தொழில் இல்லாம வீட்டுக்குள்ளேயே முடங்கியிருந்தது மன அழுத்தத்தைத் தான் அதிகரிச்சது. இப்ப அதுக்கு ஒரு முடிவு வந்துடுச்சு...’’ என்று சொன்ன புரொடக்‌ஷன் மானேஜர் ஒருவர், ஆனால், எல்லா ஷூட்டிங்கும் உடனடியாக நடக்காது என்கிறார்.

இது எந்தளவுக்கு உண்மை என்று தெரியவில்லை. ஆனால், பல படங்களின் படப்பிடிப்புகள் நடக்கத் தொடங்கியிருக்கின்றன.

தமிழில் டாப்ஸி நடிக்கும் ஒரு படத்தின் ஷூட், ராஜஸ்தானில் பரபரக்கிறது. ஜி.வி.பிரகாஷ் - கௌதம்மேனன் இணையும் படம், செல்வராகவன் ஹீரோவாக நடிக்கும் ‘சாணிக் காயிதம்’ உட்பட சில படங்கள் ஷூட்டுக்கு ரெடியாகிவிட்டன.

சில சீன்களுக்கு அதிக ஆட்கள் தேவைப்படலாம். அப்படிப்பட்ட சீன்ஸை கொஞ்சம் மாத்தி எழுதி ஷூட் செய்யலாம். ஹோட்டல்லயும் அசிஸ்டெண்ட் டைரக்டர்ஸ் உட்பட எல்லாருக்கும் தனித்தனி ரூம் கொடுத்தா பிரச்னைகள் வராது. இதுவும் ஒருவகைல குவாரண்டைன்தானே?

நான் ஒளிப்பதிவு பண்ணின ‘சினம்’ படத்தோட போஸ்ட் புரொடக்‌ஷன் ஒர்க் முடிஞ்சுடுச்சு. சசிகுமார் நடிக்கும் ‘பரமகுரு’வுக்கு இன்னும் ஐம்பது சதவிகித ஷூட்டிங் பேலன்ஸ் இருக்கு. அதுக்கு திண்டுக்கல் போகணும். ஆர்டிஸ்ட் தேதிகளை பொறுத்து அதனோட ஷூட் ஆரம்பிக்கும்.

நடப்பு தயாரிப்பாளர் சங்கத்தின் இணைசெயலாளரான சுரேஷ் காமாட்சியோ, ‘‘பெப்சியோட பேச்சுவார்த்தை நடத்தின பிறகுதான் எத்தனை படங்கள் ஷூட் கிளம்பும்னு சொல்ல முடியும்...’’ என்கிறார்.‘‘வழிகாட்டுதல் நெறிமுறைகளின்படி எந்தெந்த படங்களின் ஷூட்கள் தொடங்க சாத்தியமிருக்குனு சங்கங்களோட உட்கார்ந்து பேசிதான் ஒரு முடிவுக்கு வரமுடியும்.

அதனாலதான் பெப்சியை பேச்சு வார்த்தைக்கு அழைச்சிருக்கோம்.

விஷால், விஜய் சேதுபதி, சிம்பு, விஜய் ஆண்டனினு பல ஹீரோக்கள் ஷூட்டிங் கிளம்ப ரெடியா இருக்காங்க. ஆனா, ரஜினி சார், விஜய், அஜித் எல்லாம் இப்போதைக்கு ஷூட்டிங் கிளம்ப மாட்டாங்கனு நினைக்கறேன்...’’ என்கிறார் சுரேஷ் காமாட்சி.

இப்படி படப்பிடிப்பு தொடர்பாக மேக மூட்டம் நிலவி வரும் நிலையில் சில ஹீரோயின்கள் மகிழ்ச்சியில் துள்ளுகின்றனர்.‘பசங்க 2’, ‘மாரி 2’, ‘தடம்’ ஆகிய படங்களில் நடித்த வித்யா பிரதீப், இப்போது ‘ஒத்தைக்கு ஒத்த’, ‘தலைவி’ ‘அசுரகுலம்’ ஆகிய படங்களில் பரபரக்கிறார்.

‘‘ஒர்க் இல்லாம அஞ்சு மாசத்துக்கு மேல வீட்ல இருந்துட்டோம். ஜனவரில நாலு வெப்சீரீஸ், நாலு படங்கள்ல கமிட் ஆகியிருந்தேன். மார்ச் 20ம் தேதி வரை தொடர்ச்சியா ஷூட்டிங் போயிட்டு இருந்தேன். அதுக்கு அப்புறம் லாக்டவுன் வந்து ஷூட்டிங்கை மிஸ் பண்ணினேன்.

மறுபடியும் ஷூட்டிங் ஆரம்பிக்கலாம்னு கேள்விப்பட்டதும் சந்தோஷமாகிடுச்சு. இப்ப விளம்பரப் படங்கள்ல நடிச்சிட்டிருக்கேன். மறுபடியும் ஷூட்டிங் கிளம்ப ரெடியா இருக்கேன்....’’ என்கிறார் வித்யா. ஹீரோக்களின் நிலை என்ன..? விசாரித்தோம்.

இப்படித்தான் பல நடிகர்கள் நினைக்கறாங்க. அதனாலயே கொரோனாவுக்கு தடுப்பூசி வந்ததும் ஷூட்டிங் போகலாம்னு முடிவு செய்திருக்காங்க...’’ என்கிறது ஹீரோக்கள் வட்டாரம். துணை நடிகர் நடிகைகளோ படப்பிடிப்பு தொடங்கலாம் என அறிவித்தபிறகும் தலையில் கைவைத்தபடி சோகத்தில் இருக்கிறார்கள்.‘‘நாங்க பெப்சி கண்ட்ரோல்ல வரமாட்டோம்.

நடிகர் சங்கத்துக்குக் கீழ வருவோம். இப்ப ஷூட்டிங்ல 75 பேர்தான் இருக்கணும்னு சொல்லியிருக்காங்க. அப்படீன்னா முதல்ல எங்க தலைலதான் புரொடக்‌ஷன் ஹவுஸ் கை வைக்கும்.