தன்னால் ஏற்றுக் கொள்ள முடியாத கருத்துகளைக் கூட தன்னுடைய தன்னிகரில்லா தர்க்க பலம் கொண்டுதான் எதிர்கொள்வாரே தவிர, சண்டைக்கோ சர்ச்சைக்கோ கச்சை கட்டியதில்லை.

ஒரே ஒரு சம்பவம் தவிர.‘திருவருட்பா’.வள்ளலாரை வலிமையாக வரலாற்றில் நிலைநிறுத்தி இருக்கும் அந்த பேரிலக்கியம் தொடர்பாக அவர் நீதிமன்றப் படிகூட ஏறவேண்டியிருந்தது.

‘திருவருட்பா’வின் பல பாடல்கள் அன்று நடைமுறையிலிருந்த சனாதன சாதியக் கட்டமைப்பை விமர்சிப்பதாக அமைந்திருந்தன.சாதிய சமூகத்தில் பலனடைந்து கனி பறித்து புசித்து வாழ்ந்து வந்த பலபேருக்கும் வள்ளலாரின் கருத்துகள் வேப்பங்காயாகக் கசந்தன.

இருதரப்பும் ஒருவரை ஒருவர் தாக்கி பிரசுரங்கள் வெளியிட்டனர்.இரண்டையும் வாசித்த மக்கள் கடுமையான குழப்பத்துக்கு உள்ளாயினர்.

தீட்சிதர்களுக்கும், வள்ளலாருக்கும் நல்லுறவு நிலவவில்லை. அவர்களுக்கு எதிர்நிலை எடுத்தே வடலூரில் சங்கம் நிறுவினார்.

அவரைத் தொடர்ந்து பேசிய தீட்சிதர்களின் தலைவர்களில் ஒருவரான சபா நடேச தீட்சிதர், “ஆறுமுகநாவலரை அடித்து நொறுக்க வேண்டும்...” என்று வன்முறையைத் தூண்டும் விதமாகப் பேசினார்.இந்தக் கூட்டத்தில் பேசப்பட்டவைகளின் அடிப்படையில் கடலூர் மஞ்சக்குப்பம் நீதிமன்றத்தில் நாவலர் சார்பாக வழக்கு தொடுக்கப்பட்டது.

அந்த வழக்கு நாவலருக்கும், வள்ளலாருக்கும் இடையிலான மோதல் என்றே பலராலும் சொல்லப்படுகிறது.ஆனால் -தன் மீது அவதூறு சுமத்தியவர்கள் என்று ஆறு பேரை வழக்கு மனுவில் குற்றம் சாட்டியிருந்தார் நாவலர்.அதில் ஆறாவது பெயராகத்தான் வள்ளலாரின் பெயர் இடம்பெற்றிருந்தது.

வழக்கு விசாரணைக்கு ஆஜராக வள்ளலாருக்கும் சம்மன் அனுப்பப்பட்டது.எந்த வாய்தாவும் கேட்காமல் தானே நீதிமன்றத்தில் ஆஜராகி, தன் தரப்பு நியாயத்தை எடுத்துரைக்கப் போவதாக அறிவித்தார் வள்ளலார்.

அப்போது ஆங்கிலேய ஆட்சி.ஆங்கிலேயரான ஒரு நீதிபதிதான் விசாரித்தார்.

அதன் பின்னரும் சமூகத்தில் வள்ளலாரின் ஆதரவாளர்களாக இருந்தவர்களுக்கும், நாவலரின் ஆதரவாளர்களாக இருந்தவர்களுக்கும் தொடர்ந்துகொண்டே இருந்தது.வள்ளலாரும், நாவலரும் இயற்கை எய்தியபின்னரும் தொடர்ச்சியாக மோதிக் கொண்டார்கள்.