கொரோனாவின் தாக்கத்தால் அதிகமாக பாதிக்கப்பட்ட துறைகளில் சினிமாவும் ஒன்று. திரையரங்குகள் மூடல், ஷூட்டிங்கிற்கு தடை என உலகம் முழுவதும் சினிமாவின் கையையும் காலையும் கட்டி சிறைக்குள் அடைத்துவைத்ததுபோல் ஒரு நிலை. உள்ளூர் சினிமா முதல் ஜேம்ஸ் பாண்ட் படம் வரை அனைத்து வகையான திரைப்படங்களின் ரிலீஸ் தேதிகள் தள்ளிப்போயின. ஆறுதலாக சில படங்கள் OTTயில் வெளியாகி கவனம் ஈர்த்தன.

ஆம்; போட்ட காசை எடுக்க முடியாது என்று தயாரிப்பாளர்களும் விநியோகஸ்தர்களும் படங்களை ரிலீஸ் செய்யவில்லை. உதாரணத்துக்கு, கடந்த மே மாதம் உலகளவில் 80% திரையரங்குகள் திறக்கப்பட்டால் மட்டுமே கிறிஸ்டோபர் நோலனின் ‘டெனெட்’ ரிலீசாகும் என அறிவித்தது வார்னர் பிரதர்ஸ் நிறுவனம்.

அப்போதுதான் படத்தின் பட்ஜெட்டான 1600 கோடி ரூபாயை வசூலிக்க முடியும். அதனால் திரையரங்குகள் திறக்கப்பட்டாலும் உலகமே ஆவலுடன் எதிர்பார்த்துக் கொண்டிருந்த ஹாலிவுட் படமான ‘டெனெட்’ ரிலீஸாவது தள்ளிப்போய்க்கொண்டே இருந்தது.

மட்டுமல்ல, ஆகஸ்ட் 28ம் தேதி முதல் அமெரிக்கா, ஆஸ்திரேலியா, கனடா, நியூசிலாந்தில் ரிலீசாகி சக்கைப்போடு போட்டுக்கொண்டிருக்கிறது ‘தி எய்ட் ஹண்ட்ரட்’. இப்போது மொத்த வசூல் 2,400 கோடி ரூபாயைத் தாண்டிவிட்டது. இந்த வருடத்தில் அதிக வசூல் செய்த இரண்டாவது படம் இதுதான்.

முதல் இரண்டு இடங்களில் ‘Bad Boys for Life’, ‘Sonic the Hedgehog’ ஆகியவை இருக்கின்றன. திரையரங்குகள் 100 சதவீத இருக்கைகளுடன் இயங்கிக் கொண்டிருந்த காலத்தில் இவை ரிலீஸானது குறிப்பிடத்தக்கது.