இந்தியாவின் முக்கிய நெடுஞ்சாலைகளில் பைசா செலவில்லாமல் ஜாலியாக ஒரு டிரிப் அடித்து வர ஆசையா?

வேண்டா வெறுப்புடன் வினய் சம்மதிக்க, குஷியாகிறாள் வீரா. பெட்ரோல் போட ஒரு ஹைவேயில் கார் நிற்க, திடீரென்று அங்கே வரும் ஒரு கும்பல் வீராவைக் கடத்திவிடுகிறது.

கடத்தப்பட்ட வீரா பெரும் தொழில் அதிபர் மற்றும் அரசியல் செல்வாக்கு மிகுந்த திரிபாதியின் மகள் என்று தெரிய வர, வீராவைக் கடத்திய இடத்திலேயே கொண்டுபோய் விட்டுவிடலாம் என்று கும்பலைச் சேர்ந்தவர்கள் நினைக்கிறார்கள். மகளைக் கடத்தியது யார் என்று தெரிந்தால் திரிபாதி அவர்களின் கதையை முடித்துவிடுவார் என்ற அச்சம்.

வீராவுக்கு ஒன்பது வயதாக இருந்தபோது அவளது மாமாவால் பலமுறை பாலியல் வன்கொடுமைக்கு ஆளாகிறாள். இது அவள் மனதை வெகுவாக பாதித்து வீட்டின் மீது ஒரு வெறுப்பை உண்டாக்குகிறது.

வீட்டில் கிடைக்காத சுதந்திரத்தையும் மகிழ்ச்சியையும் தன்னைக் கடத்திய மகாபீரிடம் கண்டடைகிறாள். இன்னொரு பக்கம் மகாபீர் குழந்தையாக இருந்தபோது அவனையும் அவன் அம்மாவையும் அவன் அப்பா கொடுமைப் படுத்தியிருக்கிறார். அதனால் வீட்டைவிட்டு வெளியேறிவிட்டான்.