தமிழகத்தில் கொரோனா தீவிரமடைந்துள்ளது. இதனால் பள்ளிகள் திறக்க முடியாத சூழல் ஏற்பட்டுள்ளது. இந்நிலையில் ஆன்லைனில் பாடம் கற்பிக்கப்படும் என்று அரசு அறிவித்ததுடன் சர்ச்சையும் எழுந்தது. உடனே ‘‘பள்ளி திறப்பது பற்றி இன்னும் முடிவு செய்யப்படவில்லை.

ஆனால், 10க்கும் மேற்பட்ட தொலைக்காட்சிகளில் அட்டவணைப்படி பாடம் நடத்தப்படும்...’’ என்று பள்ளிக் கல்வித்துறை அமைச்சர் செங்கோட்டையன் விளக்கம் அளித்தார். இது எந்தளவுக்கு சாத்தியம் என்றறிய கல்வியாளர் - முனைவர் எஸ்.காயத்ரியை சந்தித்தோம்.

சமுதாயத்தில் அனைத்து நிலையில் இருப்பவர்களையும் சமன் செய்வது கல்வியே. அதனால் கல்வி வேண்டும் என்றே கீழ்த்தட்டிலிருந்து மேல்தட்டு மக்கள் வரை அனைவரும் நினைப்பார்கள்.

ஆனால் இந்த கொரோனா சமயத்தில் கல்வியைவிட நோய்த் தொற்றை தடுப்பதே முதன்மையான விஷயமாகிறது. அதேநேரம் பள்ளிகள் திறக்கப்படுவது தள்ளிப் போகப் போக 2021ம் ஆண்டு பொதுத் தேர்வு எழுதவிருக்கும் மாணவர்களின் பெற்றோருக்கு அச்சம் ஏற்பட்டுள்ளது.

மாணவர்கள் கடந்த 4 மாத காலமாக பள்ளிக்குச் செல்லாமல் வீட்டில் உள்ளனர். இப்போது பள்ளிகள் திறந்தால் மாணவர்கள் ஆர்வத்துடன் வருவார்களா?இதே நிலை தொடர்ந்தால் பிள்ளைகளுக்கு கல்வியில் ஆர்வம் இல்லாமல் போகலாம். ஆப்பிரிக்காவில் இந்த 5 மாத இடைவெளியில் இடைநிற்றல் அதிகமாகியிருப்பதாக தகவல்கள் தெரிவிக்கின்றன.

அவர்களை பள்ளிக்கு வரவைக்க வேண்டியது பெற்றோர் மற்றும் அரசின் கடமை.

எனினும் பாடத்தின் அடிப்படைத் தன்மையை பிள்ளைகள் புரிந்து கொள்வதற்கு இந்த வழி உதவியாக இருக்கும்.கல்லூரிகள் மற்றும் பாலிடெக்னிக் போன்றவற்றில் செப்டம்பர் மாதத்திற்குள் செமஸ்டர் தேர்வு நடத்த வேண்டும் என்று யுஜிசி உத்தரவிட்டுள்ளது.

தமிழகத்திலுள்ள பல்வேறு கல்வி நிறுவனங்களில் கொரோனா வார்டுகள் ஏற்படுத்தப் பட்டுள்ளதால் தேர்வுகள் நடத்த முடியுமா?ஐஐடி முதல் தனியார் பல்கலைக்கழகங்கள் வரை பலவற்றில் இணையதளம் வழியே இறுதி வருட மாணவர்களுக்கு தேர்வுகளை நடத்தி முடித்து விட்டனர்.