பையனாக மாறி டீ விற்ற சிறுமி!

கிருஷ்ணகிரியிலுள்ள புதுப்பேட்டையைச் சேர்ந்தவர் ரஹமத் பானு. இவருக்கு மூன்று பெண் குழந்தைகள் மற்றும் ஒரு பையன். கணவர் அயூப் பாஷா கடந்த ஏழு ஆண்டுகளுக்கு முன்பே காலமாகிவிட்டார். வறுமையால் குடும்பம் தத்தளித்தது. இதனால் டீ விற்று குடும்பத்தைக் காப்பாற்றி வந்தார் ரஹமத் பானு.

இந்தக் கொரோனா காலத்தில் தன்னுடன் தன் ஒரு மகளையும், மகனையும் டீ விற்க அழைத்துச் சென்றுள்ளார்.இந்த விஷயம் தேசிய குழந்தைத் தொழிலாளர் திட்ட அதிகாரிகளுக்குத் தெரிய வர அவர்கள் இரண்டு குழந்தைகளையும் மாவட்ட குழந்தைகள் நல காப்பகத்திற்கு அனுப்பிவிட்டனர். இதனால் மனமுடைந்த ரஹமத் பானு தர்ணா போராட்டத்தில் குதிக்க, குழந்தைகள் மீண்டும் தாயுடன் இணைந்தனர்.