இந்த வருடத்தில் அதிக வசூலைக் குவித்த மலையாளப் படம், தொலைக்காட்சி சேனல்களில் டாப் டிஆர்பி ரேட்டிங், பெஸ்ட் திரில்லர் என்று விமர்சகர்களின் சர்ட்டிபிகேட்... எனப் பல புகழுக்குச் சொந்தம் கொண்டாடும் படம், ‘அஞ்சாம் பாதிரா’. ஐந்தாம் நள்ளிரவு என்பது இதன் அர்த்தம்.

ஒரு நள்ளிரவில் காவல்துறை அதிகாரி ஒருவர் மர்ம நபர்களால் கடத்தப்படுகிறார். அடுத்த சில நாட்களில் அவர் கொல்லப்படுகிறார். அவரது உடலிலிருந்து கண்ணும் இதயமும் பிடுங்கப்படுகின்றன.

பீதியைக் கிளப்பும் இந்தச் சம்பவம் காவல்துறையை மட்டுமல்லாமல் கேரளாவையே அதிர்ச்சிக்குள்ளாக்குகிறது. இந்த அதிர்ச்சியில் இருந்து மீள்வதற்குள் இதேமாதிரி இன்னொரு காவல் துறை அதிகாரியும் கொல்லப்படுகிறார். அவரது கண்ணும் இதயமும் பிடுங்கப்படுகின்றன.