பாகிஸ்தானை வென்ற அந்த இரவு இந்திய வீரர்களுக்கு மறக்க இயலாதது.வீரர்கள் தங்கியிருந்த நட்சத்திர ஹோட்டலில் சிறப்பு விருந்து கொடுத்தார் லலித் மோடி. “தோனி, நாம கப் ஜெயிப்போமா?” கேட்டுவிட்டு கண்ணாடி அணிந்த கண்களிலிருந்து தன் லேசர் பார்வையை தோனியின் முகத்தை நோக்கித் திருப்பினார்.“நிச்சயமா சார்...” முள்கரண்டியால் மாமிசத்தை குத்திக் கொண்டே சொன்னார் தோனி.

“இந்த டோர்ணமெண்ட்டில் யார் ஒரே ஓவர்லே ஆறு சிக்ஸர் அடிக்கிறாங்களோ, அவங்க என்ன கேட்டாலும் நான் வாங்கிக் கொடுப்பேன்… நிச்சயமா உங்களில் ஒருத்தர் அந்த சாதனையை செய்யப் போறீங்கன்னு தெரியும்.

யார் அந்த சிக்ஸர் சிங்கம்?”வீரர்கள் அத்தனை பேரும் உடனே தோனியின் முகத்தைப் பார்த்தார்கள்.எப்போதும் போல கூலாக இருந்த தோனி, யுவராஜ்சிங்கை பார்த்து அர்த்தத்தோடு சிரித்தார்.யுவராஜ், தோனிக்கு கட்டை விரலை உயர்த்தி வெற்றிச் சின்னம் காட்டி அவருடைய கோரிக்கையைப் புரிந்துக் கொண்டார்.உடனே வீரர்கள் தங்களுக்குள் குழு குழுவாகப் பிரிந்து குசுகுசுவென பேசிக் கொண்டார்கள்.

“நம்மில் யாருக்கு இந்தப் பரிசு கிடைக்கப் போகுதுன்னு தெரியலை. ஆனா, எல்லாருமே முயற்சிக்கணும். நானும் என் பேட்டும் கூட உங்களோட போட்டிக்கு ரெடியா இருக்கப் போறோம்…” தோனி சொன்னார்.சூப்பர் எய்ட் பிரிவில் முதல் போட்டி நியூசிலாந்துடன்.

12வது ஓவரிலேயே இந்திய அணி 100 ரன்களை எட்டியது.

15வது ஓவரில் சேவாக், 16வது ஓவரில் காம்பிர், 17வது ஓவரில் உத்தப்பா என்று அடுத்தடுத்து மூன்று ஓவர்களில் மூன்று விக்கெட்டுகள் அவுட்.18வது ஓவரில் களத்தில் நின்றவர்கள் ‘தல’ தோனியும், யுவராஜ்சிங்கும்.

யெஸ்.‘இந்தியன் ப்ரீமியர் லீக்’ என்று அழைக்கப்படும் உலகின் காஸ்ட்லியான கிரிக்கெட் போட்டித் தொடர்!