‘‘டேய் சுக்கு..! இன்னுமா கிளம்பலை?’’ வாக்கிங் நண்பன் சுந்தர பாஷ்யம் குரல் கொடுக்க, சுகவனம் தனது அறையின் கதவில் மாட்டியிருந்த சொக்காயை எடுத்து அணிந்து கொண்டபடி வாக்கிங் கிளம்பினார்.நான்கு மருமகள்களும் அவரவர் காரியங்களில் மும்முரமாக இருந்தார்கள்.

இரவுப் பணி செய்து விட்டு வந்த ஆயாசத்தில் இரண்டாவது மகன் குணசேகர் இன்னும் உறங்கிக்கொண்டிருக்க, மூத்தவன் சந்திரசேகர் ஜிம்முக்கு போயிருந்தான். கடைசி மகன் தனசேகர் கிரிக்கெட் ஆட சென்றிருந்தான். மூன்றாவது மகன் ரவிசேகர் ஹாலில் அமர்ந்து ஆங்கில தினசரியை புரட்டிக்கொண்டிருந்தான்.