சினிமாவில் நேர்த்தியைத் தேடும் இயக்குநர்களின் முதல் சாய்ஸ்… ஒளிப்பதிவாளர் பாலசுப்ரமணியெம்.  இயக்குநர்கள் பாலா, பாண்டிராஜ், ராஜேஷ், பொன்ராம் போன்ற முத்திரை இயக்குநர்களின் அணியில் தவறாமல் இடம் பிடிப்பவர். பி.சி.ஸ்ரீராமின் சீடர், 37 படங்களை கடந்து இன்னும் பயணம் மேற்கொள்கிறார்.

“ஒளிப்பதிவாளர்கள் வெளியே தெரிய வேண்டிய அவசியம் இல்லை. நல்ல படத்தில் ஒளிப்பதிவு வெளியே தெரியாது. இயக்குநரின் ரசனை, காட்சிப்படுத்துதல், அவர் சொல்ல விரும்பியதை வேகமும், தரமும் குறையாமல் எடுத்து தருவதுதான் ஒளிப்பதிவாளரின் வேலை.

இன்னமும் அவர் ஆபீசில் வந்து நிற்கிற எல்லோருக்குள்ளும் நான் என்னைத்தான் பார்க்கிறேன். அவரிடம் வந்து சேர்ந்துவிட்டால் எங்காவது ஒரு வெளிச்சம் கிடைக்குமென்ற ஒரு நம்பிக்கைதான் என்னைக் காப்பாற்றி அழைத்துக் கொண்டு வந்திருக்கிறது.

சாரிடமிருந்து நாற்பது பேருக்கு மேல் புறப்பட்டு வந்து இந்தியா முழுவதும் பரவியிருக்கிறார்கள். எனக்கும் அதில் சின்ன பங்கு என்பதில் பெரிய சந்தோஷம்! ‘நாயக’னாக விரும்பிப் பார்த்த கமல் சாரே எனக்கு முதல் வாய்ப்பு கொடுத்ததும் எனக்கான பரிசே! உங்களின் ‘பிதாமகன்’ ஒளிப்பதிவு இன்றைக்கும் பேசப்படுகிறது...

இந்த வாழ்க்கையின் ஒவ்வொரு கணத்தையும் நேசிக்கிறேன். ஒவ்வொரு மனிதனிடமும் அன்பு செய்ய விரும்புகிறேன். அது ஒருசில நேரங்களில் முடியாமல் போவதுதான் யதார்த்தம். இந்த வைரஸ் வந்து எல்லோருக்கும் சில படிப்பினைகளைக் கொடுத்திருக்கிறது.

எல்லா வைப்ரேஷனிலும் நிறைந்து கிடக்கிறது உலகம். ‘வாட்டாகுடி இரணியன்’ படத்துக்கும் அதே ஃபீல்தான். இப்பொழுது ‘சக்ரா’ படத்துக்கும் அதே ஃபீல்தான். அடுத்த கட்டம்… அடுத்த டெக்னாலஜி… கைக்குச் சிக்காமல் இன்னும் ஆட்டம் காட்டிக்கொண்டே இருக்கிறது ஒரு லைட். அதையும் தேடணும்.