அப்படி ஒரு மாஸ் வரவேற்பை அள்ளிய தொடர் ‘சித்தி’அதில் இடம்பெறும் ‘கண்ணின் மணி... கண்ணின் மணி... நிஜம் கேளம்மா...’ என்ற நித்யயின் கணீர் குரலும் அதனைத் தொடர்ந்து வரும் ‘சித்தி…’ என்ற பாசமும் நேசமுமான குழந்தையின் வாய்ஸும் இன்றும் இனிக்கும் சங்கீதம். 

சன் டிவி - ராதிகா மேம் காம்பினேஷன்ல இதுக்கு முன்னாடி ‘அண்ணாமலை’ல ஐநூறு எபிசோடுகள் ஒர்க் பண்ணியிருக்கேன். புரொமோஷனுக்கு கிடைச்ச வரவேற்பைப் பார்த்து, இன்னும் பொறுப்பா, கவனமா, கூடுதல் சுவாரசியத்தோட ‘சித்தி 2’வை கொண்டு போக உழைச்சுட்டு இருக்கோம்.

‘சித்தி’யில இருந்த ராதிகா மேம் - சிவகுமார் சார் கணவன் - மனைவி கெமிஸ்ட்ரியை விட பல மடங்கு சாரதா - சண்முகப்பிரியன் தம்பதியின் கெமிஸ்ட்ரி ஒர்க் அவுட் ஆகியிருக்குனு நினைப்பீங்க.

ராடன் டீம் இதிலும் காஸ்ட்டிங்கை ரொம்ப நல்லா அமைச்சிருக்காங்க. பொன்வண்ணன் சார், பாக்யராஜ் சார், சமுத்திரக்கனி, ரூபிணி, பையன்கள் ரெண்டு பேர் கேரக்டர், மகள் கேரக்டர், ஒரு பாட்டி, ‘சித்தி’யில் சாத்தப்பனா நடிச்ச நந்த

நீண்ட இடைவெளிக்குப் பின் சின்னத்திரை பக்கம் வந்திருக்கும் பொன்வண்ணனுக்கு ஹலோ சொன்னோம். ‘‘நானும் ராதிகா மேமும் அன்னி யோன்யமான தம்பதி. எனக்கு ரெண்டு பசங்க, ஒரு பொண்ணு. குடும்பப் பொறுப்பிற்காக ஏங்கும் ஒரு கணவனா நடிக்கறேன்.

ராடன்ல இருந்து கூப்பிட்டாங்க. சன் டிவி தயாரிப்பது தெரிஞ்சதும் சந்தோஷமா நடிக்க வந்துட்டேன். எல்லோர் வீட்டுக்குள்ளும் இனி நானும் இருக்கறதால, ‘சித்தி 2’ என்னை உலகம் முழுவதும் பிரபலமாக்கும்...’’ என உற்சாகமாகிறார் அருள்மணி. அவர் மட்டுமல்ல.. புதுவரவுகள் அத்தனை பேரும் ஹேப்பியில் மிளிர்கிறார்கள்.

சட்டென நம் பக்கம் வந்தார் இயக்குநர் சுந்தர் கே.விஜயன்: ‘‘சன் குடும்ப விருதுகள்ல ராதிகா மேமுக்கு ‘சிங்கப் பெண்’ அவார்டு கொடுத்தாங்க. ஆனா, அவங்க சிங்கப் பெண் இல்ல. குழந்தை மனசுக்காரர்...’’ என கலகலத்தவர், மானிட்டரின் எதிரே வலதுபுறம் ‘ரெட்’ காமிராவில் ஆங்கிள் பார்த்துக்கொண்டிருந்த ஒளிப்பதிவாளர் சீனுவைக்கூப்பிட்டு அறிமுகப்படுத்தி வைத்தார்.