‘கிருஷ்ணலீலை’ படம் வெளியாகாமல் பொருளாதாரத்தில் சிக்கித் தவிக்கிறேன். வாடகை பாக்கி, மகன் பள்ளிக் கட்டணம் புரட்டிப் போடுது. உதவுங்கள் பணத்தால்’ என்ற நாலைந்து வரிகளை முகநூலில் இயக்குநர் ஸெல்வன் எழுதிப் பார்த்ததும் மனம் துணுக்குற்றது.

இந்தச் சமயத்தில்தான் திருமணம் செய்துகொண்டேன். அவள் இருந்த வரைக்கும் என்னிக்கு அந்தப் படம் தியேட்டரில் வரும்னு கேட்டுக்கிட்டே இருப்பாங்க. கடைசி வரைக்கும் அவங்க நான் எடுத்த படத்தைப் பார்க்காமல், அடுத்த படம் செய்யறதையும் பார்க்காமல் இறந்து போயிட்டாங்க.

நல்ல மருத்துவமனையில் வைத்துப் பார்த்திருக்கலாம். அருமையான மனைவி இல்லாமல் போன துயரத்தை தாங்க முடியவில்லை. இப்ப என் மகன் தன்யன்என் கூடத்தான் இருக்கான். எங்க வீட்டிலும், அவங்க வீட்டிலும் பிள்ளையை வளர்த்துக்கிறோம்னு சொன்னாங்க.

எனக்கு இப்போ மனைவி இல்லை. ஆனால், பையன் இருக்கான். நல்ல கணவனா இருக்க முடியாத நான், நல்ல அப்பாவாக இருக்க முயற்சி பண்றேன்...’’ என்றவரிடம் இவ்வளவு தூரம் பொருளாதாரத்தில் பின் தங்கிப் போனது எப்படி என்றால் வேதனையுடன் தொடர்கிறார்.

தொழில் கற்றுக் கொடுத்த அவரிடம் போய் நான் பணத்திற்காக நிற்க முடியாது. அப்படியும் சொல்ல முடியாது. நான் ஒரு தடவை பெரிய விபத்தில் சிக்கியபோது என்னை வந்து பார்த்தார்.

பொருள் உதவியும் செய்தார்.‘கவிதாலயா’ படம் ஏன் வெளிவரவில்லை என்றுதான் எங்கே போனாலும் கேட்கிறார்கள். விஜய் சாரிடம் முன்பு மூன்று மணி நேரம் கதை சொன்னேன். அவர் கேட்டுவிட்டு, ‘இன்னும் இரண்டு வருடத்திற்கு உங்கள் பக்கம் வரமுடியாது. இரண்டு படம் இருக்கிறது. அவ்வளவு நாட்கள் நீங்கள் காத்திருக்க முடியாது’ என்றார்.

அப்படியும் ‘நான் காத்திருக்கிறேன்’ என்றேன். ‘முதல்வனே ரஜினியை வைத்து செய்திருக்க வேண்டியது. அவர் அர்ஜூனை வைத்து செய்து வெற்றி காணவில்லையா. இன்னொரு ஹீரோவை வைத்து செய்யுங்கள். பிறகு பார்க்கலாம்’ என சொல்லிவிட்டார்.

அந்த வாய்ப்பும் கை நழுவிவிட்டது. பிறகு குன்றத்தூர் வீட்டை விட்டுவிட்டு, என் மனைவியையும் இழந்து, என் மகனோடு இந்த சிறு வீட்டுக்குக் குடி வந்திருக்கிறேன். பெரிய வீடுகளில் இருந்து பழகியவனுக்கு முதலில் கஷ்டமாக இருந்தது. இப்போது பழகி விட்டது.

ஒரு தாய் எப்படி மகனுக்கு செய்வாளோ, அப்படியே மகனை பார்த்துக்கொள்கிறேன்.ஆனாலும் இந்த குறைந்த வாடகையைக் கூட என்னால் தொடர்ந்து தரமுடியவில்லை. கொஞ்ச நாளைக்கு முன்பு கரண்டை கட் செய்துவிட்டார்கள்.

எனக்கொரு கஷ்டம் இருக்கும்போது, வீட்டு ஓனருக்கும் சில கஷ்டங்கள் இருக்கலாம். ரொம்ப நாள் கரண்ட் இல்லாமல் இருந்தோம். இப்போதுதான் என் மனைவிக்கு முதலாண்டு நினைவு நாள் வந்தது. அதற்காக கெஞ்சிக் கேட்டு பணம் தந்து விடுவதாகச் சொல்லி மறுபடியும் கரண்ட் போட்டிருக்கிறார்கள்.

வறுமையில் நல்ல நல்ல கதைகள் கிடைக்குது. ரஜினிக்காக ‘பேரரசன்’ என்ற அட்டகாசமான கதையிருக்கிறது. மற்ற கதாநாயகர்களுக்காக ‘காத்து’, ‘ஜா’, ‘கட்சி ஆரம்பிக்கலாமா மாப்ள’ என்ற கதைகள் ரெடியாக இருக்கின்றன. வீழ்ந்துவிட்டது உண்மைதான்.

எழ உங்கள் கைகளை நீட்டுங்கள். தூக்கிவிடுங்கள். நல்ல திறமைகள் உள்ளது. நல்ல படைப்புக்களைத் தருவேன். உண்மையில் வெற்றிக்கும் தோல்விக்குமிடையில் என்ன வித்தியாசம் இருக்கிறது? ஒரு கோல், ஒரு ரன்தானே! விளையாடத் தெரியாமலோ, தவறாக விளையாடியோ எவரும் தோற்பதில்லையே!